Ğıroni prizmaku jimoni məhorəton

Ğıroni prizmaku jimoni məhorəton

Kamə insonon mevcude ki,ıştə dınyo jimonədə de problemon dimbədim omeydəni.çəməku veyni insonon boştə muşkilaton həll kardero,vaxt co kardedənimon.əve  mevcud bıə veyə  həlli roon vindey beydəni.səthi surətədə bıə təfəkkuron iyən de daspoçəti bekardə bıə ğərolon,adətən bə məsələon həlli komək kardedəni.zira jıqo qıləy təfəkkurədə muhim iyən  fundamental məsələon çı nəzəku bə diyəro mandedə.əmə bın bərnomədə izoh bədomonki,çokonə kardey bəzınemon bəştə problemon de nığılə çəşi odyəsəmon və deəy mıborizə bardey məhorəti omutəmon.bıdə ın həlli roon bəmə kamə mənfi iyən ziyodə mısbətə təsirış bıbu.

Jimoni muhimmə məhorətonku qıləyni fəğət bəştə etımod kardeyku dast kəşe iyən de cokəson məşvərət kardeye.ehanə məşvərət bo jimoni çok kardero iyən bə inkişofi boyis bıə həmməysə çokə amili unvonədə həm nıbu,hiç nıbu çokə rol ifo kardə amilonku qıləyniye.çəmə ımrujnə dınyoədə məşvərət iyən de cokəson bə ico fik nıkardə holədə,jimoni qıləy mənoş nibəbe.qıləy misol heste ki,votedən:”ehanə dılı hestebu qıləy ko çok-çoki iyən dırıstə şikilədə bə vırə bırosnoş,de seqlə sinnış bəpe bıə insonon məşvərətkə”.farsi fərhənq iyən ədəbiyyotədə omə ki,çanədə inson vey məşvərətko,kam bə səhfi dıço bəbe.

Votedən ki,NASA təşkilot  bə kosmos inson vığandey proqrami bono kardeyədə,de qıləy qədə problemi dimbədim ome.əvon dərəsin ki,mevcud bıə avtomat  ğələmon fəzoədə becozibə nıvıştedənin.zira,avtomat ğələmon covhər bə saru səmt cərəyon və hərəkjot pəydu kardeydənin və çı koğəzi səviyyə  sape rubedənin.NASA bo ın muşkili həll kardero,Enderson mışoviron şirkətış vıjniyeşe.təhğiğaton da sorisə vey dəkəşe.12 milyon dollar bo ın ko sərf be və nəhoyətən əvon qıləy avtomat ğələm hozzı kardeşone ki,cozibə nıbə muhitədə nıvıştedəbe.həmçinin ovi jiyədə həm ko kardedəbe,har qıləy səviyyədə hətto kristali sape nıvıştedəbe və 300 santiqrad sardə dərəcədə çəyku oko doey beydəbe.uruson həm deştə alimon həmfikəti qıləy sodə roy həllışon vıjniyeşone.əvon çı karandaşiku istifodə kardeşone.Im misol ımi bəyon kardedə ki,qırd insonon bə xoş nıomə mevğıyyotonədə qıləy reaksiyə nışon doydən və çəy həll kardey dumon.əmmo,muhim ıme ki,ım reaksiyə səhih iyən ağılmandə formədə bıbu.

İslomi pəyğombər(s) qıləy şəxsiyyət be ki,bəy İlahi vəhy nozil bedəbe,çəy ismətış hestebe iyən kmilə ağlı xıvand be.de qırd ımon bə ico əv,ğərəz şər`i hukmon,ıştə həmmə koonədə deştə yaro-yavəron iyən əshobon məşvərət kardedəbe və həmməysə vey çokə roy vıjniyedəbe ta millət ıştə jimonədə ağılmandə şivə və metodi bıvıjnon.

Xıdovənde-Aləm Kərimə-Ğıronədə ıştə rəsuliku(s) tələb kardedə ki,ıştə koon əncom doeyədə de muminon məşvərətko iyən çəvon nəzə bıməso.joqo ki,Ali-İmrani mıborəkə surə 159-ə ayədə hamyedə:

“(Ha peyğombəra) Xıdo tərəfiyo bətı şomil bıə rəhmət iyən lutfi xoto de məxloği de mehribonçəti rəftor kardedəş və ehanə tı hozi iyən sığədıl bıəbiş məxloğ ıştı kənoku volo-volo əbin.çən çəvon xətonku davard və boəvon istiğfor bıkə və çəvon koonədə dəvon məşvərət bıkə,əmmo bə ğərol omə vaxti (de ğətiyyəti) bə Xıdo təvəkkul bıkə .həyğətən Xıdovənd bəy təvəkkul kardəkəsonış piyedə”.