Osmoniyə surəon-62

Osmoniyə surəon-62

وَ لَمْ يَرَوْاْ إِلَى مَا خَلَقَ اللّهُ مِن شَيْءٍ يَتَفَيَّأُ ظِلاَلُهُ عَنِ الْيَمِينِ وَالْشَّمَآئِلِ سُجَّداً لِلّهِ وَهُمْ دَاخِرُونَ (48)

Ayə (əvon)nıvindeşone Xıdovəndi ofəyə çiyon çokonə bə rost iyən çəpə tərəf ıştə soğnəon pan kardedən və qıləy holədə ki,de təvazukorə holi səjdə kardedən.

In ayə bə Xıdovəndi əzəməti co nışonəonku qıləyni işorə kardedə.iyo Xıdovənd çı cismon soğnəon rost iyən çəpə tərəfədə bıə  hərəkəti,ıştə əzəməti nşonəonku zikr kardedə iyən əvoni bəştə pərvərdıqori səjdə kardə holədə zınedə.de qıləy co iborəti nəinki,əşyaon ıştən,bəlkəm çı əşyaon bənə soğnə bıə təsir iyən ləvazimaton həm Xıdovəndi mığobilədə xaze iyən mutin.

Beşək çı cismon soğnə  çəmə jimonədə qıləy təsirəkə rolış heste.çoko ki,həşi nur bə mevcudaton jimon iyən inkişofi təsir kardedə,soğnə həm bo həşi nuri taraz kardero,qıləy həyoti rolış heste.həşi i formədə dətıve.əv həm qıləy dırozə mıddətədə,həmmə çiyon pəleşk kardedə,əmmo çı soğnəon dumo yənde bıə nəvazeş iyən mehribonçəti əvoni qıləy balans bıə hədd və vəzyətədə oqətedə.ın ayə çı soğnəon səjdəku qəp jeydə,əmmo peşonə ayədə ln məsələ bo qırd mevcudaton bıə qıləy umumi proqrammə unvanədə bəyon kardedə və hamyedə:

وَلِلّهِ يَسْجُدُ مَا فِي السَّمَاوَاتِ وَمَا فِي الأَرْضِ مِن دَآبَّةٍ وَالْمَلآئِكَةُ وَهُمْ لاَ يَسْتَكْبِرُونَ (49) 

 Osmonon iyən zəminisə bıə çiyon iyən məlayikon fəğət bə Xıdo səjdə kardedən iyən təkəbbırəti kardeydənin.

Səjdə həyğət nəhoyət həddədə bıə xuzu iyən təvazukorəti nışonəy.qıləy zəmon ki,qırd hestemoni aləm,hətto soğnəon həm Xıdovəndi mığobilədə xaze iyən mutin,ısət çıro bəşər yoləşəxəti iyən tuğyongərəti kardedə? Xıdovəndi məxloğaton həmmə xılğəti dınyoədə bə hestemoni aləmi umuminyə ğanunon tabe iyən təslimin və co tərəfiku qırd ım ğanunon Xıdovəndi tərəfikuye,çən həyğətədə həmməy çəy mığobilədə səjdə kardedən.

“Osmon iyən zəminədə bıə coninə məxloğ bo Xıdo səjdə kardedən” təbir,de ojə-o.koə holəti ımi rosneydə ki,bəsə zəminisə əlovə,osmonondə həm bəyji iyən coninə məxloğon mevcude....

65-ə ayəku jəqoşə çandə qılə ayə bə pərvərdıqore-aləmi curbəcurə neməton işorə kardedə.sıftədə votedə:

وَاللّهُ أَنزَلَ مِنَ السَّمَاءِ مَاءً فَأَحْيَا بِهِ الأَرْضَ بَعْدَ مَوْتِهَا إِنَّ فِي ذَلِكَ لآيَةً لِّقَوْمٍ يَسْمَعُونَ (65) 

 Və Xıdovənd çı osmoniku ovış vığande.çən, deçəy vositə həmonə mardə zəminış bəyji karde.həlbəttə bın(voşi omey iyən bəyji bıeyədə) bo (həxə sıxani) məsə dastəruşinə nışonəon heste.

De osmoniku nozil bıə voşi vositə zəmini jimon iyən həyoti məsələ,Kərimə-Ğıroni çandə qılə ayəonədə çəyku bəhs bıə.mardə iyən hışk bıə zəminon de dumo yənde bıə voşi iyən çəy dumo bıə həşi dəteve vositə bə hərəkət omeydə.nevbənev rəsəyon zəmini dimisə bə əməl omeydə və çəy bəpeşt həşoraton iyən pərəndəon və curbəcurə heyvonaton çı jimon iyən həyoti zumzumə kardedən.bərosti ım xılğəti şedevronku bə hisob omeydə....

Kərimə-Ğıron peşonə ayəonədə bə ço lınqə heyvonon vucudi işorə kardedə və hamyedə:

وَإِنَّ لَكُمْ فِي الأَنْعَامِ لَعِبْرَةً نُّسْقِيكُم مِّمَّا فِي بُطُونِهِ مِن بَيْنِ فَرْثٍ وَدَمٍ لَّبَناً خَالِصاً سَآئِغاً لِلشَّارِبِينَ (66) 

Və şəkk ni bo şımə çı çolınqon(ofəyəmonədə) qıləy ibrət heste.əmə şıməni de çəvon dılədə çı həzm bıə xorəkon iyən xuni miyono bıə bo peşoməkəson qıləy şinə xolisə şıti sirob kardedəmon.

Çın heyvoni təmiz iyən xolisə şıt,ım nuş kardənin iyən bə odəmi enerji baxş kardə xorək,çı həzm bıə xorəkon miyono və de şodəninə çiyon bə ico və çı xuni miyono bə dast omeydə.ım,həyğətədə vey çoçinə çiye ki,bu doə iyən çırkinəti sərçeşməku,jıqo nuş kardənin,xolis iyən foydəninə məhsul bə dast omeydə..... ilahi neməton zəminədıə navnə bəhson dəvomədə,68-ə ayədə bə”meşi bızanqi” iyən çəyku bə dast omə xorəki maddə yəni bə anqivini işorə kardedə və hamyedə:

وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتاً وَمِنَ الشَّجَرِ وَمِمَّا يَعْرِشُونَ (68) 

 Və ıştı pərvərdıqor bə meşi(şoni bızanqi) vəhyış karde ki, kali bandon, doon iyən çı məxloği soxtə ləməon sape boştə lonə bısoxton.

ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ (69) 

 Peşo çı qırd miyvəonku bəhə.çən,ıştə pərvərdıqori botı həmo kardə ro xolisonə bəsə bıjən.çəvon luz-ləvəku ranqə-ranqə peşoməninə çiyon bə bi beşedə ki,bəvədə bo məxloği şifo heste.həlbəttə bın(meşi jimonədə) bo fik-fam kardə kəson, şək ni qıləy ibrət heste.