Osmoniyə surəon-63

Osmoniyə surəon-63

Bın ayəədə Kərimə-Ğıron bə meşi bızanqi əsraramizə jimoni işorə kardedə ki,ımrujnə elmi təhğiğaton isbot kardedə ki,meşi bızanqi bə çoçinəti boyis bıə qıləy iştimayi jimonış heste.bın ayədə çı meşi bızanqi məmuriyyət iyən vəzifə,çəvon boştə kə soxtey zikr bıə.çəmə veyni çı çı meşi bızanqi kə və kanduləmon vində.meşi bızanq çın kəon şəş tərəfi de qıləy zərofəti iyən dəğiğə xariğul-addə bıə iyən vey ideal  bıə həndəsi formadə soxtedə.çoko ki,Kərimə-Ğıron işorəş kardə,ım kəon qahi vaxti çəyo dəvarde ğeyri-mumkin bıə bandon tavə vəslə sape  və qahi vaxti həm çı do iyən beməyon xıçəon miyono  və qahi vaxti həm kandımuzi dılədə sıxtən və çı insonon ixtiyorədə ğərol doydən.çı meşi bızanqon ko iyən fəaliyyəti metod həm vey əcib iyən cəlbəkəy.sıbhi vaxti i dastə bızanqon bo de vıli pur bıə məntəğəon məlum kardero çı kandımuziku xaric bedən.əvon əsraramizə formədə ım vırəon zıney bəpeştə,çı kandımuziku tosə vılon bıə məntəğə ın tərəf-ətərəfi iyən fosilə bəştə həmnevon məlumat doydən.peşo meşi bızanqon mıxtəlifə və ranqəranqə vılonku meyl kardedən hardedən.liza çəvonku xaric bıə məxsusə peşoməninə çiyon,çə həmonə curbəcur nevinə miyvə və vılonku qətə bıə şirəy ki,çəvon ıştən mıxtəlifə ranqonışon heste.ım pokə peşoməninə çiyon,bo məxloği şifobaxş kardə qıləy muhimmə damone.inson de anqivini vositə çı vılon mualicəvi xısusiyyətonku bəhrə bardedə.kə soxtey metod,çı vılonku istifodə kardey çəm iyən bənə meşi bızanqi bıə de qıləy qədə heyvoni vositə anqivin istehsol kardey,çı aləmi pərvərdıqor bıə Xıdovəndi əzəməti nışonəonku bə hisob omeydə.

Nəhli mıborəkə surə 90-ə ayə,sosyal,bəşəri iyən əxloği məsələon zəminədə çı islomi təlimon vey komilə nımunəonku qıləyni bəyon kardedə və hamyedə:

إِنَّ اللّهَ يَأْمُرُ بِالْعَدْلِ وَالإِحْسَانِ وَإِيتَاء ذِي الْقُرْبَى وَيَنْهَى عَنِ الْفَحْشَاء وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ (90) 

Həyğətən,Xıdovənd bə ədolət və ehson iyən çı nezə odəmon(həxı) doey əmr kardeydə iyən yavə və bə xoş nomə koon iyən təcavuzi ğədəğən kardedə.əv şıməni moyizə kardedə,ğasbu mutəzəkkir bıbon(pand bıqətiyon).

Ədolət həmonə əsl iyən prinsipe ki,qırd hestemoni aləmi sistem çəy məhvər iyən ətrofədə qardedə. osmonon iyən zəmin və qırd mevcudat de ədoləti bərpoye.bəşəri camiyə  həm ki,çın pan və hevujə aləmi qıləy quşəku bə hisob omeydə,çın cahanşumul ğanuniku mustəsna ni və ədolət nıbə holədə bə qıləy solim iyən bəşəri jimoni dəvom doey ğeyri mumkine.

Ədolət  deştə qırd əhəmiyyəti qahi vaxti coyli bə qıləy dardi dəvo kardedəni.əve bın ayədə de ehsoni bə ico oko doey bıə.ım dıqlə bahəm çı cəmyəti koon çok bıeyədə ziyodə təsirışon heste.Əli(ə)-iku omə rəsə qıləy hədisədə handedəmon:”ədolət əve ki,çı milləti həxı bəvon bırosnoş və ehson əve ki,de əvon mehribon bıbuş”.

Həmonə bın ayədə bə fəhşa və beəxloğəti,munkər iyən zılmiku diyəro mandey əmr bıə və insononku tələb bıə ki,bə cokəson zılm iyən təcavuziku ictinobkon.ın ayə çı dini-islomi cahanşumulə nizomnomə formədə bıey,nəzə soybon iyən  məxsusən çı Ğıronşunoson dığğətış bəştə cəlb kardə.zira,əgər  ədolət iyən ehson dınyo səviyyədə bəyji bıbu və bənə fəhşo,munkər iyən sıtəmi bıə de jıqo inhirafon mıborizə bardey bıbu,bəvədə qıləy obod ,orom iyən çı harcurnə fəsod və bədbəxtətiku bə diyəro bıə qıləy dınyo bə əməl bome.