Təkfiri cərəyonon-19
Təkfiri cərəyonon-19
Çı sələfiyon cəryon iyən hərəkoti barədə bıə mutaliyəonku bə ım nəticə rəsimon ki,qıləy sələfi məktəbədə çandə qılə cərəyon iyən hərəkot mevcude ki,mıxtəlifə ərsəonədə de iyande mıxolifin.çoko ki, Hindi niməcəzirədə iyən Misrədə bıə vəhhabi sələfiçətiyədə jıqo qıləy vəzyət oşkoə surətədə bəçəş çiyedə. deməkə ki,vəhhabiyon mıxtəlifə cərəyonon miyono etığodi iyən siyosi usulonədə nığılə ixtilofonışon heste, əvon ıştə qırd hərəkaton miyono qıləy vahidə rəhbəri icod kardey dumon. vəhhabiyyət,ımruj ıştəni çı qırd muosirə sələfiyon rəhbəri unavnədə elon kardedən və zınedən və deştə təblıği iyən ixtisodi zərfiyyəton ,həmçinin de Hərəmeyni-Şərifeynədə yolyəti kardey və deştə qırd cəhdon bə ın qırd sələfi cərəyonon qrupi yolyəti kardey fikədən. həyğətədə,əvon çın qırd vositəonku bəştə hədəfon rəseyro çımonku bəhrə bardedən.ım qıləy holədəy ki,de sələfiyon cərəyonon şaxə və xıçəonku zınə bıə qırd ım dastəon əsos və usulon,de vəhhabiyon əsos və prinsipon təzaddədəy və de iyande farğ kardedə.
Sələfiyon bəçəvon əndişə iyən fiki əslon əsos təhğiğ kardey bəpeştə,çın bərnomədə dəvomədə çəmə məğsədımon heste ki,sələfiyon nımunəon bəçəvon jimon kardə coğrafi məntəğəson əsos, təhğiğkəmon. bın nəzədə çı sələfiyon misdoğ iyən nımunəon,bəçəvon sə rost kardə coğrafiyə əsos tədğiğ bəbe. beşək,sosyal,etığodi iyən siyosi şərayit,har qıləy reginoədə çəvon bə əməl omeyədə muhimmə rolış heste.jıqo qıləy vəzyət boyis bedə ki,sələfiçəti qıləy umumi məfhum iyən mənoədə vahid nıbon və bəştə inkişof kardə məntəğə əsos,mıxtəlifə daxili cərəyon iyən hərəkatonku iborət bıbu.jıqo qıləy nəzədə sələfiyon fəaliyyət nışon doə məntəğədə əvon cəhd kardedən de curbəəcurə metodon,etığodi,iştimayi iyən siyosi ərsəonədə bə həmonə məntəğəon təsir bınən.de ın nəzə sələfiyon bın məntəğonədə həlbəttə ki,qıləy bumi iyən aborigen vəzyətışon həm ni və dınyo co noxtəonku bə ın məntəğəon varid bıən.
Hindi niməcəzirə islomi dınyo əndişə iyən cəmyəti cəhəto ğutbonku qıləyniye.ehanə dəvardə əsronədə Misr,çı islomi əndişə və fikon qofo bıəbu,xeyli zəmone ki,Hindi nimələpək həm çı islohi iyən ifrotiyə əndişəon rost bıə vırə və mərkəz bə hisob omeydə.çı Hindi niməcəzirə siyosi,sosyal iyən məzhəbi fəzo və sfera,umumən və məxsusən Pokistoni çı Hindi niməcəzirəku co bıey bəpeştə,ın vırə bə islomi məzhəbon de iyande canq kardə vırə təbdil bıə.joqo ki,radikalə sələfiyon ın regiyoni ıştə vəhışt zıneydən.bın məntəğdə təkfir qıləy adi və normal ko bə hisob omeydə və mıxtəlifə məzhəbon de rohəti iyande kofir hisob kardedən və təkfir kardedən.jıqo qıləy fəzoədə həmməysə vey Ərəbıstoni ifroti iyən radikalə sələfiyon bəhrə bardedən və de bın məntəğədə mevcud bıə sələfiyon həmrayəti cəhdi,çok-çoki çın cərəyononku bənə qıləy əbzori oko doydən.
