Osmoniyə surəon-64

Osmoniyə surəon-64

İsra mıborəkə surə 111 ayəku iborəte,Kərimə-Ğıroni 17-ə surəy və Məkkədə nozil bıə.bın surədə bə peyğombər(s)-i Meraci məsələ işorə bıey xoto,bəy İsra və Bəni-İsrayli dastoni nəğl bıey səbəbi xoto həm bəy Bəni-İsrail nom noey bıə. بسم الله الرحمن الرحيم

سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ (1)

 Iştə nışonəon nışon doeyro bəşəvnəy ıştə bandə çı Məscidul-Həramiku tosə bəçəy ətrofi bərəkətımon doə Məscidul-Əğsa bardə ə(Xıdo) pok iyən mınəzzəhe. Əv əməs iyən vindedə.

İsra mıborəkə surə iminə ayə çı həzrəte peyğombər(s)-i Məscidul-Həramiku bə Məscidul-Əğsa bıə bəşəvnəy səfə barədə sıxan votedə ki,Xıdovənde-Aləm qıləy şəvədə ıştə rəsulış Məkkədə bıə Məscidul-Həramiku bə Fələstıni sərzəimin bıə Məscidul-Əğsa və çəyu həm bə osmonon tərəf seyrış karde. peyğombər(s) həmonə şəvi barzə aləmon,xılğəti əcibə çiyon və mələkuti aləmış mışohidə karde və bə qıləy barzə məğamiş dast pəydu karde. Bə kali rəvoyəton əsos peyğombər(s) Məscidul-Əğsaədə de bənə həzrəti İbreym(ə),Mosə(ə) iyən İsa(ə) bıə dıjdə pəyğombəron huzuri nımojış vote.qıləy holədə ki,ə həzrət çəvon imom cəmoət be.peşo çəyo Rəsuli-Əkrəm(s)-i osmoniyə səfə bino be və ə həzrət bə haft qıləynə osmoni səfəş karde.ə həzrət osmononədə tojə səhnəonış mışohidə karde və de pəyğombər iyən firiştəon mıloğatış karde.ə həzrəti vəhışt iyən cəhəndəmış vinde və vəhışti əhli məğam iyən cəhəndımi əhli əzobış seyr karde.peyğombər(s) bın nuraniyə səfədə  bə botıni şuhudəti iyən ilahi ğurbi rəse.pərvərdıqare-aləm  bə həzrəti əyo xitobış karde və bəy muhimmə əmr iyən dəsturonış asparde.çın səfə həxədə ziyodə Ğudsi hədison varid bıə.harujnə penc vədə nımoj həm bın Meraci səfədə vacib be və ə həzrəti de Cəbrəyil(ə)-i bə ico ım nımojonış hande.ım nımojon həmonə çı qırd mısılmınon votə yovmiyyə yəni harujnə vocib iyən fərizə nımojonin.