İslomi İnğılob,İmom Xomeyni(r) və Viloyəte Fəğih

İslomi İnğılob,İmom Xomeyni(r) və Viloyəte Fəğih

1357-ə Həşi sori Bəhmən manqi 12-ə ruj(1979,fevrali 1) bi ironi milləti qıləy de umu pur bıə intizor  iyən eyni holədə niqəronəkə ruj be.əvon təğribən çordə sori bəpeştə muştağanə surətədə ıştə inğılobi mahbubə rəhbər həzrət İmom Xomeyni(r) ıştə kə-bəku dərbədər bıeyku oqardey çəş kardedəbin. əmmo,Pəhləvi cinoyətkorə rejimi mahiyyət  və ıştənəpəri jıey eğandey  təhdid,millətış norohət kardəşbe. həlbəttə, podşoə pəhləvi  rejim çı millətiku tarsey xoto,çın ko curətış pəydu nıkarde və təyyorə de çəş kardə ziyodə milləti huzuri bə zəmin nışte və de İmom Xomeyni(r) bə İroni bıə vurudi,bə İroni əhali jimon kardə qırd vırəonədə şoyvonəti hisson bə əməl ome.de ın tərtibi çı İroni de etat-petati pur bıə tarıxədə qıləy tojə fəsl oj be və ım həm dı haftəsə bəkam  ərzədə bə zılmkorə pəhləvi rejimi suğut iyən məhfi boyis be.

İmom Xomeyni(r) deştə bə ico islomi iyən insoniyə barzə hədəf və oruzonış bə ico vardeşe ki,millət həm boəy bə realəti iyən həyğəti rosnero ziyodə cəhdışon karde.bənə ozodi,istiğlal,ədolət,de zılmi mıborizə bardey,bıvəti iyən bənə ımi çiyon.əmmo ğasbu votey bıbu çə həzrəti bo İroni milləti iyən bo qırd dınyo mısılmınon bə ərməğon vardə vey dıjdə çi,de bə viloyəte fəğihi sistemi bıə islomi hkuməti plan və loyihə be.həlbəttə, islomi hukuməti iyən qıləy camiuşşərayitış bıə hakimi hukuməti plan,çandə əsr bənav çı əhle-sınnət iyən şiəyon miyono mevcud bıə.əmmo İmom Xomeyni(r) hınə ım be ki,ın bəhsış mıstəğilə surətədə ojış karde  və çəy ağli iyən nəğliyə dəlilonış təbyinış karde.Ə həzrəti ın koş çı islomi İnğılobi səbarzəti çandə mıddət bənav binoş kardəbe və de”Vilayəte-fəğih” kitobədə həyğətədə ın muhimmə əsl iyən prinsipış təbyin kardə.mutərəğğiyə islomi çın prinsipi vey muhimmə  qıləyni ıme ki,ım ilahi din siyosətədə ,əv həm çəy vey aliyə səviyyədə qıləy rol və huzurış heste.