İslom İnğılobi səbarzəti-vəhdət,ironi milləti səbarzəti rəmz
İslom İnğılobi səbarzəti-vəhdət,ironi milləti səbarzəti rəmz
Həzrəte İmom Xomeyni(r) hamyedə:”islomi millət səpoysə əyştən ta deştə qırd ğudrəti islomi mıdofiyəkon və de islomi deşmın bıə şah rejimi əsəronışon çı miyoniku bardeşone.ın millət çoko ki,dınyo bımi şoyde,bə islomi bıə imoni mıdofiyə royədə və çəy səbarzəti təmin kardeyro boharcurnə fədokoroti hozzon.ın millət ixtiyori soybe və əmə xatırcəmimon ki,çı milləti varid bıə mıborizə de milləti səbarzəti və de deşmıni dəboxtey bə oxo bərəse”.
Vəhdəti kəlmə iyən bə Xıdo imon,çı har qıləy milləti səbarzəti rəmz bıey bəzıne.İslomi İnğılobi səbarzəti həm çı nizomi sutunon de milləti bıə qırd ərsəonədə vəhdəti rəmz be.İron İslom İnğılobi Yolə Rəhbər həzrət Ayətullah Xameneyi çı İron İslom İnğılobi sutunon barədə jıqo hamyedə:” bo har qıləy inğılobi bə formə dənero I, intellektual element və dı,insonə faktorun lozıme.intellektual element və unsur həmonə ideloji məktəbe ki,inğılob bəçəy əsos bərpo və ğoym bedə və insoniyə unsur həm qıləyni milləte və coqləyni rəhbəriyyət.havaxti ın se qıləy elementon iyande kəno bıbon və iqlə cəhətədə hərəkətkon, inğılob bə formə dəşedə”.
İnğılobi Yolə Rəhbər çı İslomi İnğılobi coqlə sutun çı İmom Xomeyni(r)-I rəjhbəriyyəti ğudrətış hisob kardedən və təkid kardedən ki,İmome-Rahil bo dini iyən ilahi rəhbəriyyətiro lozım bıə de qırd xısusiyyəton soyb bıey,İslomi İnğılobi sukan və rəhbəriyyətış bəştə dast qəte və deşt bənə peyğombəron bıə hidoyətiş bo dınyo milləti oşkoş karde.
Qıləy Fransavıjə teorist iyən ideoloq Mişel Fuko çı dınyo inğılobon,məxsusən Fransa inğılobi həxədə ziyodə mutaliyəonış kardə,İron İslomi İnğılobi ərəfədə bə İron səfəş karde.Əv,bə İroni səfə zəmonə çı İroni inığlobi rəhbəriyyəti əzəmətinə ğudrət iyən çı milləti rolış çı neziku mışohidə kardeşe və de təəccıbi elonış karde: ”Ayətullah Xomeyni(r) şəxsiyyət,qıləy əfsonəvi iyən xarizmatik şəxsiyyəte ki,hiç qıləy inğılobədə jıqo qıləy rəhbəri mışohidə kardey nibəbe.çıro ki,çəy de milləti miyono qıləy nığılə rabitəş mevcude və hiç qıləy devləti rəyis iyən siyosi rəhbər,hətto de qırd dınyo informasiyə vositəon koməki, iddio kardey nibəzıne ki,bənə İmom Xomeyn(r)-i jıqo qıləy məğamış heste”.
