Suriyədə Amerkə,İsrayil iyən Ərəbıstoni sekınci şərə hədəfon
Suriyədə Amerkə,İsrayil iyən Ərəbıstoni sekınci şərə hədəfon
Miyonə Şərğ bəştə stratejikə vırə bıey dəlili iyən de qəncinə mınbəon pur bıey dəlili xoto,hejo çı sultəgər və impeiyalistə ğudrəton ğərəzinə siyosəton hdəfi mərkəz bıə və çı mıxtəlifə məkrinə planon mə`rəzədə bıə.bə həmonə dəlili xoto,çın regiyoni sahədə bıə ziyodə eksperton bın fikədən ki,məntəğə ısətnə hodisəonku ım nəticə sıey bəbe ki,şərayit bo ın reqioni bənə”Sayks-Piko” bıə roziyəti əsos poə kardeyro hozzıe ta ın reqion ijən sənibəton bə milli iyən məzhəbi coğrafiyə əsos təğsım bıbu və çı sultə dumo bıə ğudrəton taməon çərçivədə bıbon.
Miladi 1916-ə sori İngilis iyən Fransə de qıləy istemariyə mığovilə imzo kardey,Miyonə Şərğışon ıştə miyono təğsım kardeşone.Britaniyəvıjə Mark Sayks iyən fransəvıjə Fransua Jorj Pikoyi ki,ımon çı İngilis iyən Fransə xarici koon vəziron bin,Londonədə de qıləy məhrəmonə iclosi dəvordıney,Miyonə Şərği ərəbə məmləkəton marz iyən əraziyon xəttonışon kəşe,çən peşo çəvon devləton xəritəşon kəşe və bəştə stratejikə mənfəəton əsos ın xəritəşon təyin karde.İngilis iyən Fransə de Sayks-Piko mığovilə Miyonə Şərğədə çı kin-kudurət iyən fitnə tumışon peşande və ısət çı ğəsbkorə Seonist Rejimi bın məntəğədə bə əməl ome,çə həmonə mığovilə vey muhim və vey yavə nəticəonku qıləyniye.
Sa sor çımi bənav ğərbıjon de “Sayks-Piko” mığovilə dəbastey,çı məntəğə mısılmonə millətonışon ıştə imperiyalistə siyosəti jiyədə ğərolışon doe və ısət həm de təkfiri iyən terroristə dastəon iyən hanqomə tələbə seonist rejimi himoyə kardey və həmçinin de çın məntəğə milləton miyono ixtilof eğandey,dılışon heste çın reqiyoni xəritə bəştə mənfəəton əsos təyin kardə xəritə əsos əvəzkon.çın siyosət və əvəzonku hədəf həm çı pesoxtə bıə seonist rejimi vırə təsbit iyən zumand kardey və reqioni milləti bə etnik iyən məzhəbi zəmində bıə canqon giriftor kardeye.
Bə Suriyə ələyh məkrinə plani bəbe Miyonə Şərğədə çı Ğərbi tərəfiku bıə trans reqional mudaxilə çərçivədə iyən reqiyoni məntəğəon təğsım kardey hədəfi bızıno.ım qıləy holədəy ki,Farsi Xəlici ərəbə məmləkəton məxsusən Səudiyyə Ərəbıston həm bə Amerkə reqiyonədə bıə ğərəzinə planon ixtisodi cəhəto təmin kardə kişvəri təbdil bıə.bo terroriston himoyə kardero ziyodə xarcon sərf kardey və de Farsi Korfəzi ərəbə məmləkəton vositə çı Amerkə de hiylə pur bıə loyihəon icro kardey,ım məmləkətonış praktiki surətədə de ioxtisodi problemon dim bə dimış kardə.ım qıləy holədəy ki,Farsi Xəlici sektori ərəbə kişvəron de Amerkə siyosəton bə ico bıə təhlukəninə hərəkət,əməli surətədə ın məmləkətonış çı suğuti mə`rəzədə ğərolış doə ki,ım ıştən çı Amerkə məntəğədə bıə planon çərçivədə hərəkət kardeye və əvon bəbe ıştə ın nodırıstə hərəkəton yavə ağıbəti intizorədə bımandon.
