İslomi İnğılobi stabilə nailiyyəton

islomi İnğılobi stabilə nailiyyəton

1979-ə Miladi sori fefrali de İron İslom İnğılobi səbarzəti vistminə əsrədə vey muhimmə hodisəonku qıləyni bə əməl ome.ın dıjdə hodisə bə reqional iyən beynəlxalğ səviyyədə dıjdə təsironış noe.

İslomi İnğılob qıləy şərayitədə bəştə səbarzəti rəse ki,kamə şəxson təsəvvır kardedəbin ki,İronədə bə əməl bome. İronədə İngilis iyən Amerkə fəalə huzur,çı 1332-ə Həşi sori Mordad manqi 28-ə ruji  və ya Miladi 1953- sori avqustə manqədə hərbi peqordımoni bəpeştə,harcurnə inğılob və İronədə sıtəmkorə şah erjimi peqordıney təsəvvır,de məyusəti dimbədim omeydəbe.əmmo qırd bə nəzəon rəğmən,islomi inğılob de İmom Xomeyni(r) rəhbəriyyəti iyən de milləti vahidə formədə bıə hərəkəti,ım bə səbarzəti iyən həyğət rəse.

İslom Respublikə soxtemoni bə dini demokratiyə əsos təşkil kardey,bə dınyo qırd noxtəonədə bıə mısılmınon oğoəti iyən islomi rostbemoni tojə fəsli ojbemeoni boyis be.islomi İnğılob bə zəmon bə əməl ome ki,dınyoədə dıqlə ğutb yəni şərğ iyən ğərbi ğutbon hakim bin və ın ğutbon çı dınyo siyosiyə xəritədə ziyodə baxşışon hestebe və ın islomi inğılobi ın dıqlə ğutbış de problemi dimbədimış karde və dınyo hodisəon həm ziyodə təsironış noe.

Çın dıjdə cərəyon və hərəkoti şua jiyədə ,milləton tərəfiku inğılobi cərəyoni formatədə mığoviməti cərəyon bə əməl ome.çın pebemoni nımunəonku qıləyni bənə Livanədə Hizbullah mığovimət təşkiloti bə əməl omeye ki,ıəst çəyku bənə çı millətiku təşkilış pəydu kardə qıləy zumandə ğudrəti unavnədə zikr bedə və ım təşkilot ısət çı beynəlxalğ sehyonizmi iyən Ğudsi işğaləkə seonist rejimi mığobilədə bənə qıləy təsxir nıbə sənqəri mandə və mığovimət nışon doydə və çın rejimi sutunon lorzınedə.