Ğıroni prizmaku jimoni məhorəton

Ğıroni prizmaku jimoni məhorəton

Amerkə Minnesota ştatədə qıləy piyəmerd jimon kardedəbe.əv,dılş hestebe ıştə bumə sefi(kərtof) vırə və zəmini şum bıjəno.əmmo.ım ko vey saxt be.fəğət çəy zoə bın koyədə bəy komək kardey əzıni ki,əv həm həbsxonədə be.həmonə piyəmerd de qıləy nomə vositə bəştə zoə nıvışteşe:”çımı əzizə balə! çımı vəzyət çok ni.çumçıko,az ımsor bumə sef kaştey zum ni.az piyedəm ni ım kaştemoni sahə çımı dasto beşo. çunki,ıştı moə ım zəminış vey piyedəbe.əmmo,əfsus ki,mı həni boəyo ko kardero vey piy bıəm.ehanə tı iyo bıəbiş,ın kaştemoni sahə bomı şum əjəniş və çımı muşkilon həll əbi.tıni piyə ıştı pı.

Çımi bədiqə piyəmerdi ıştə zoəku ın teleqrafış ğəbul karde:”çımı əzizə pı! Bo Xıdo xoto həmonə sahədə şum məjən.çunki,az əyo ikəsi cəsədım dəkandə”.

Maşki sıbi vaxti FBİ məmuronku donzə nəfər iyən çandə nəfər lokal polison  bə həmonə vırə omin və həmonə kaştemoni sahəşon qırd kande. əmmo,oxoyədə əyo hiç qıləy cəsəd pəydu nıbe.həmonə piyəmerd de çoçinə holəti bəştə zoə co qıləy noməş nıvışte və çəyku bın ko barədə qıləy izohış tələb karde.çəy zoə cəvobədə nıvışteşe:”çımı əzizə dədə!bışi ısət ıştə bumə sefon bıkaşt.ım həmməysə çokə ko be ki,az kardeyım zıne çı diyəroə royku botı bıkom”.

Im daston bə “xəlğəkə təfəkkuri” işorə kardedə ki,de ım muhimmə məhorəti vositə inspni çı co mevcudatonku co kardedə.

Fik-fam iyən təfəkkur,kəşf iyən nuyə əndişəon və əbzoron  ğudrət,çı bəşər iyən çəy ofəyə əndişə iyən fiki məhsule. Qırd insonon kam ya vey ofəyəvonətişon heste və mıxtəlifə dərəcədə bıə huşi ğudrət çəmə həmməy vucudədə mevcude.muhim ıme ki,əmə kardey bızınəmon əy poə kəmon,inkişof bıdəmon iyən çəyku istifodəkəmon.alimon bın fikədən ki,çı ozavziye iyən tərəğği mığəddimə,maliyyə krediton iyən budcə təmin kardey iyən təchizoton hozzı kardey ni,bəlkəm bəbe əsliyə faktor iyən amili ağl,təfəkkur iyən əndişədə bınəvo.

Qıləy  ofəyəvonə təfəkkur de muşkil iyən problemon mıborizə bardero həmməysə vey çokə avjor iyən siloh bıey bəzıne.ofəyəvonəti təfəkkuri ıştədə poə nıkardə fərdon,de problemon dimbədim omeyədə, dəboxtən.qıləy holədə ki,əfəyəvonə insonon ım mənfiyə nəzə çı canqi bənav təslim bıey zıneydən.zira etığodışon heste muşkil iyən problem,nəinki,qıləy zəhmət iyən mane ni,bəlkəm bo həlli roy kəşf və pəydu kardero qıləy mıborizəy.