Osmonyə surəon-68
Osmonyə surəon-68
أَقِمِ الصَّلاَةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُوداً (78)
Nımoji həşi(bə məğrıbi səmt) qardə faxtiku tosə şəvi zılməti bə vırə bıroson.və həmçinin sıbi nımoji bərpokə.(zira) sıbi nımoji(de mələkon vositə) mışohidə beydə.
Bın ayə iyən peşonə ayədə bə nımoj,dıvo iyən bə Xıdovəndi dığğət katrdey işorə kardedə ki,ım həm bo insoni de şırki mıborizə bardero iyən çı şəytoniyə vəsvəsəku ozod bıeyro qıləy zumandə amile.nımoj Xıdo bə insoni yod vardedə və bəçəy dıl iyən coni nıştə qardı-ğobari şıştedə bardə.nımoji bə insoni rufi səloməti ziyodə təsirış heste və əy çı qıno və yavə çiyonku oqəteydə.78 və 79-ə ayəonədə icmoli və kulliyə surətədə bə harujnə pen kərə votə bıə nımoji işorə kardedə.əmmo çın nımojon vaxton cuziyyat bın ayəonədə bəyon bıəni.həlbəttə,bə co ziyodə ayəon iyən bın zəminədə varid bıə rəvoyəton dığğət kardeyədə,ruji penc kərəynə nımojon vaxton mıəyyən bedə.
İsra mıborəkə surə 82-ə ayədə bə Kərimə-Ğıroni vey təsirin iyən əhəmiyyətinə mevzu işorə kardedə.çın surə 82-ə ayədə bə Ğıroni çı insonon con iyən rufədə bıə əsosə roli işorə kardedə və əy bo qırd camiyə iyən fərdon benəzmətiyon qıləy şəfobaxş kardə nusxə zıneydə.joqo ki,hamyedə:
وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَاراً (82)
Və Çəmə Ğıronədə vığandə çiyon bo mominon(dılon)şifo iyən rəhməte və çı sıtəmkoron fəğət xusrani(zərəli) ziyod bəkay.
Həyğətədə,Kərimə-Ğıron insoni çandə nev zehni iyən əxloği noxəşətiyonku pk və təmiz kardedə.ə şəxson ki, çı Kərimə-Ğıroni barzə təlim iyən maarifon təsiri jiyədə ğərol qəteydən,insonə fəziləton çəvon vucudədə tişə jeydə və əvon de ilahi əxloğ iyən sıfəton dərsotey bedən.
