Dıqlə aləmi banu və xanımi matəmədə

Dıqlə aləmi banu və xanımi matəmədə

İslomi əzizə peyğombəri(s) rehlətiku çandə manq dəvardə nıbe.ıştə pıku bə diyəro bıey ğəm,çı həzrəte Fatiməku(s) oroməti və aşişətiş bardəbe və peyğombəri(s) rehləti bəpeştə həm çəy rufış rəncidə kardəşbe. peyğombər(s)-i fiğdan iyən nıbey,bo Fatimə(s) vey ğəmqin dəvardedəbe,ısət əv noxəşəti yonquyədə be və ıştə jimoni oxonə ləzəonədə be.fəğət iqlə çi bə Fatimə(s) təskinəti iyən dılvandi doydəbe və əv həm çəy əzizə pı bəy doə və`də be.joqo ki,peyğombər(s) ıştə rehləti zəmonədə bəy hamyeşe:"çımı əzizə kinə!çımı bədiqə tı iminə şəxs bəbeyş ki,bomeş bəmı umuj bəqınış".Fatimə(s) ıştə oxonə şəvədə ıştə pış hanədə vinde ki,bəy votedəbe:"çımı palu boy ki,mı vey muştağım botı vinde.əv həm çə həzrəti cəvobədə voteşe:bə Xıdo ğəssəm ki,botı vindey xoto vey muştağim".hejo həmonə hanədə çəy əzizə pı bəy bəşorət iyən mıjdəvoniş doe ki,tı ımşanqo çmı palu bomeş.

Fatimə(s) ıştə jimoni oxonə ləzəonədə Əli(ə)-ış vanq je və qıləy holədə ki,Əmirəl-muminin ıştə çəşi arson rukardedəbe bəy voteşe:çımı amuyə zo!çımı jimoniku kamə ləzəon mandə.əve çandə qılə vəsyətım hesteƏli(ə) hamyeşe:ıştı dıli çiçış piyedə əy sıfarışkə.bın zəmon Əli(ə) bəsə sapoysə əyşte və de Fatimə(s) dimbədim nışte.Fatimə(s) voteşe:tı hiçvaxti çımıku du iyən xəyonət vindəni və detı bıə jimonədə de hiçvaxti mıxolifətım kardəni və bəştı ələyh beşənim.Əli(ə) hamyeşe:bə Xıdo pənoh bardedəm.tı bə Xıdo vey aqahiş,tı mutttəği iyən Xıdoku vey tarsedəş,tı buzurquvariş ki,mı ımoni bətı nisbətədə irodım bıbu.ıştıku bə diyəro bıey bomı vey sanqine.tıni dastiku doey qıləy mısibəte ki,çəysə faciyəvi və ğəmqinə qılə ni.bə Xıdo ğəssəm qıləy mısibəte ki, boəy əzodorəti zum mandəni və hiççi çəy əvəzi nibəqəte.peşo binoş karde bo bəme.Əli(ə) həzrəte Fatimə(s) səş bəştə sinəş dəçokne və voteşe:rı çiçı piyedə sıfarışkə!az bəy əməl bəkardem və ıştı dəsturon bə vırə bərosnem.