Osmoniyə surəon-70

Osmoniyə surəon-70

Kəhfi mıborəkə surədə bə seqlə macəra işorə bıə ki,iqlə cəhətiku de iyande həmahənqin.Əshabi Kəhfi macəra,Mosə(ə)-I de Xızr(ə)-I daston iyən Zulğərneyni daston.ın həyğiyə dastonon əməni çı harujnə jimoni ufuğiku bəpe bardedə və nışon doydə ki,dınyo çəmə vində çiyonədə məhdud ni.

Əmmo,həzrəte Mosə(ə) iyən Xızr(ə)-I daston ın həyğəti bə yod dənoydə ki,qahi vaxti çı hodisəon əsliyə çehrə jəqo ni ki,əmə sıftənə nəzədə əy dərk kardedəmon.

Və(bə yod biyə) ə zəmoni ki,Mosə bə cıvoni(bəştə roy həmro) voteşe:az ıştə nəveyku dast nibəkəşem ta bə dıqlə dıyo bəyənde peqıniyə vırə bırəsom hətta ehanə çandə soron(bəştə roy) dəvom bıdəm(60).

Kəhfi mıborəkə surə 60 iyən 82-ə ayəon dıqlə Xıdo peyğombəri dastoni yəni həzrəte Mosə(ə)-I de həzrəte Xızr(ə)-I macəra bəyon kardedə.bın dastonədə əmə bə heyrətamizə səhnəon peqıneydəmon ki,nışon doydə hətto bənə Mosə(ə)-i bıə Xıdo dıjdə peyğombəron həm bəzi cəhətonku elmi dayirəşon məhdude bə qıləy mellimi soyəx şedə ki,bəy elm iyən hikmət omuto.

Rəvoyətədə omə ki,qıləy zəmon həzrəte Mosə(ə) jıqo fik kardedəbe ki,zəmini dimisə çəysə vey alimə şəxs mevcud ni.bın zəmon bəy vəhy be ki,Məcməul-Bəhreynədə(Sıə dıyo şimolədə) çəmə qıləy bandə heste ki,ıştısə veyə elmış heste.Mosə(ə) deştə inəfərış peqəte və bə Məcməul-Bəhreyni tərəf bə ro dəqıniye.roy miyono çandə qılə hodisəon bəçəy və beşe ki,oxoyədə əv bə həmonə votə vırə ome rəse.

Əyo naqahan bəçəmə rəhməti şomil bıə iyən çəmə bəy ziyodə elm başx kardə bandəonku qıləyni bəçəvon vəy beşe.çəmə banəonku qıləyni təbir nışon doydə ki,bo insoni həmməysə barzə ixtixor ıme ki, əv çı Xıdovəndi rostə bandə bıbu.

Bın zəmon Mosə(ə) de veyə ədəbi bə həzrəte Xızr(ə)-i voteşe: Mosə bəy(Xızri) voteşe:ayə(icozə doydəş) ıştı dumo eqınım ta bo (çımı) ruşdo-kəmoliro bətı umutə bıə çiyon,bəmı həm umuti. (Xızri) voteşe:tı hiçfaxti bə demı bə ico bıey səbr kardey əzıniş.qıləy çi komil nızınə holədə çokonə tı bəy tov bəvaş? (Mosə) voteşe:inşaallah mıni çı səbr kardə kəsonku bəvindeş və qırd koonədə bətı pebəmandım. (Xızri) voteşe:çən,ehanə tı dumo mı omiş,tainki,az bətı qıləy çi nıvote,çımıku hiççi xəbə məstən(66-70).

Mosə(ə) de Xızr(ə)-i bə ro dəqınin və bə kıəşti suvar bin.roy nimədə Xızr(ə) deştə dastədə bıə təvə binoş karde bo kəşti poə və hıl karde.dıyo ov de həmonə hıli roy bə kəşti dılə dəşe.Mosə(ə) de niqəronə formə dəparseyşe:aya əvı hılı karde ta çı kəşti əhl ğərğ bıbon?bərosti tı qıləy yavə əməlı əncom doe.bın zəmon Xızr(ə) bə Mosə(ə)-i voteş ki,bətı nıvoteme tı demı bəro omeydəşbu,bəbe ıştı səbrı-hovsələ bıbu.(Mosə) voteşe:mıni bəçımı yodo bekardey xoto tənbih məkə və çımı koyədə bəçımı ələyh ciddi(ğəddor) məbi.