Osmoniyə surəon-71

Osmoniyə surəon-71

Çən,ə dı nəfər bəştə roşon dəvom doe tainki,bə qıləy obodi rəsin.çə vırə camaatiku xorək tələb kardeşone,əvon ə dı nəfərışon mehmon (ğəbul) nıkarde.çən,ə dı nəfər əyo qıləy divoşon vinde ki,rıjidəbe.Xızri ə divoş bərpo karde.(Mosə de təəccıbi) voteşe:ehanə piyəbe bo ım ko qıləy muzd tələbəkəyş.

Xızr(ə)  bə və beşə hodisəon nəzə kardə holədə yəğınış karde ki,Mosə(ə) bəçəy vində kardə koon tov vardey nibəzıne.əve voteşe:ısət çımı detı co bıey zəmone.əmmo,rəyrə tıni ıştı səbr kardey nızınə koonku aqah bəkardem.joqo ki,hamyedə:

Əmmo ə kəşti(ki əvım hıl karde) dıyoədə ko kardə fəğıron be.piyeme əy aybəcor bıkəm(çun) çəvon ratədə qıləy podşo hestebe ki,dezzu iyən ğəsbi ha kəştiro (boştə) peqətedəbe.(79)

(Çımı kıştə)həmonə novcıvoni  pı-mo har deynən momin be.tarsimon ki,ə dıqləro bə kufriyən tuğyoni vadarkəy.(bəçəyro) piyemone ki,çəvon pərvdıərdıqor çəy əvəzi qıləy çok iyən pok və məhəbbətinə(fərzənd) bəvon bıdəy. 80-81

Və əmmo ə divo çə həmonə dıqlə novcıvonə yetimi be və çəy jiyədə bo ə dıqlə qıləy xəzinə heste.çəvon pı qıləy salehə merd be.çən,ıştı pərvərdıqori irodəş kardə ki,ə dıqlə bə həddı-buluği bırəson iyən çəvon pərvərdıqori tərəfiku boəvon qıləy rəhmət bıə xəzinə(əvon) istixrockəyn və mı (ım)koonım ıştən bəsə əncomım nıdoe.ıştı bo əy səbr kardeyro tov vardey nızınə çiyon təvil(sırr) ım be. 82.

Mosə(ə)-i de Xızr(ə)-i dastoni oxoyədə ın nuktə zikr kardey zəruriye ki,Xızr(ə)-i elm qıləy adiyə elm nıbe.bəlkəm,əv çı ziyodə elmon babonku xəbədo be ki,ımon həm bə dınyo hodisəon nığıl və botıniyə sırron ayid be.mumkin bıə vırəonədə çı hodisəon zohiri çehrə deçəy botınədə bıə çiy farğ kardedə.vey mumkine zohirədə kali həyğəton ğeyri-məntıği bə nəzə booy.qıləy holdədə ki,çəvon botın mınəzzəm iyən məntıği formədəy.jıqo vırəonədə fəğət çı təzahuron zohiri vində kəson,ıştə səbri kontroli çı dasto doydən və nol iyən şikoyət kardedən.əmmo,çı pardə peştono bıə sırronku aqah bıə kəson səbr kardedən iyən dəboxtedənin.

83-ə ayəku de tobə 99-ə ayə bə Zul-Ğərneyni sərquzəşton i hissə işorə kardedə.joqo ki, hamyedə:

Həyğətən,əmə çəy zəminədə bəy(bə Zul-Ğərneyni) ğudrət domone iyən harçiku qıləy vositə bəy əto kardemone.(84)

Xıdovəndi bə Zul-Ğərneyni kifoyət ğədər ağl iyən kəmolış əto kardəbe və çəy ixtiyorədə har curnə imkonat iyən alətonış noəbe.əv de bə dınyo mıxtəlifə noxtəon səfə kardey,de çın alətonku oko doey loyığinə şikilədə bə milləti xıdmət kardedəbe.Zul-Ğərneyn sıftədə de qıləy mucəhhəz və çok təchiz bıə ləşkəri bə ğərbi səmt hərəkətış karde.anədə bə və şe ki,ta bə həşi nıştə vırə rəse. Kəhfi mıborəkə surə 86-ə ayəku de tosə 88-ə ayə ın macəra joqo bəyon kardedə:

Taainki,bə həşi nıştə qıləy(məntəğə)rəse.qıləy vırə ki,hissış karde(bəçəy nəzə ome)həşi qıləy siyo iyən lehməynə çeşmədə eşedə.və çəy tonoku qıləy ğovmış vinde,votemone:ha Zul-Ğərneyn ha! ya bəvon əzob bədoyş ya çəvon miyono qıləy çokə ro bıqət.(həmməy bıbaxş)(Zul-Ğərneyn) voteşe:əmmo hakəs sıtəmkoy,bəy əzob bədomon.peşo bəştə pərvərdıqori tərəf oqordıney bəbe.əv həm bəy qıləy saxtə əzob bədoe.və əmmo hakəs imon biyəy iyən loyığinə əməl əncom bıdo,çən,boəy çokə mıkofot heste iyən boəy ıştə tərəfiku hostonəti mıəyyən bəkamon.

Zul-Ğərneyn həmonə məntəğədə sıtəmkoron dastış çı zılmo-sıtəmiku bırniyeşe və bə çokə ko soybon mıkafatonış doe iyən sulh və ədolətış əyo bərpo karde.