Rəhbəriyyəti nəzə

Rəhbəriyyəti nəzə

Həzrət Ayatullah Xameneyi İron İslom İnğılobi Yolə Rəhbər şənbə sıbi vaxti de Nuri kərvonədə işitirokəkə tələbəon vindemoni vaxti,Mığəddəsə Mıdəofiyə devranış çın kişvər iyən inğılobi tarıxədə qıləy nurani iyən zərə vərəhissəş zıne.

Vist sorisə veye ki,ironədə Nuri nomo bıə ziyorət və səyohət kardə qıləy kərvon mevcude ki,millət deştə dıli xoşi bə Mığəddəsə Mıdofiyə məkonon osə ğandedən və bo ın mıdofiyə erjon iyən şəhidon xotırə bəyji oqətero,bın şemonədə iştirok kardedən.

“Rahiyane-Nur” ya bə nuri tərəf şıə kəson kərvonon ha sor təşkil bedə və İroni Mığəddəsə Mıdofiyə devronədə ıştə coniku dəvardə delavəron iyən şucoətinə cıvonon canq kardə vırəon ziyorət kardedən.bə ın mığəddəsə vırəon ziyorəti tərəf hərəkət kardə kərvonon adətən həm çı ibtidayi ya miyonə məktəbi şoridonku və həmən ali təhsil məktəbi tələbəonku təşkil doydə. əmmo ısət statistik məlumaton nışon doydə ki,ha sor 5 milyonisə vey insonon çı Nuri kərvoni ğolibədə bə məmləkəti cənubədə bıə canqi əməliyyat məntğəon osəşon ğandə.bə milləti jıqo veyə şikilədə huzuri rəğmən,Mığəddəsə Mıdofiyə erjon iyən əsəron nəşr iyən oqətey onemon,de nuri kərvonon mərkəzi təsis kardey,çın kərvonon himoyə kardey iyən əvoni bə səhmon dənoey koyış bəştə ehdəş peqətə.