İmom Cavad(ə)-i vilodət
İmom Cavad(ə)-i vilodət
Əlib ibn Rıza(ə)-i dıli miyvə İmom Məhəmməd Təğı(ə) Hicri-Ğəməri 195-ə sori Rəcəbə manqi daədə Mədinəye-Mınəvvərədə imoməti aylədə bə dınyo ome.çə həzrətie əzizə pı İmom Rıza(ə) və çəy əziz-qramiyə mo barzə fəzilətış bıə Səbikə be ki,İmom Rıəza(ə) bəy “Xeyzəran” votedəbe.həzrət hejo əy de qıləy pok iyən fəzilətinə banu və xanımi nomi ğeyd kardedəbe.çə həzrəti təvəllud bo şiəyon qıləy məxsusə bərəkətış hestebe.İmom Cavad(ə) buzurquvarə pı hejo əy qıləy de xey-bərəkəti pur bıə qıləy fərzəndi nomi yod kardedəbe ki,ım mevzu çı şiəyon miyono həm məşhur be.İmom Rıza (ə)-i hovə Həkimə Xatun nəğl kardedə ki,qıləy ruj çımı bıvə mınış vanq karde və hamyeşe:ha Həkimə ha! ımşanqo çı Xeyzərani təbərrıkə fərzənd bə dınyo bome və tı bəbe çəy bə dınyo omə zəmonədə əyo bıbuş.mı çə həzrəti xıdmətədə mandim. həmonə şəvi İmom Cavad(ə) bə dınyo omey bəpeştə həzrəte Rıza(ə) daxil be və əmə çə həzrəti çəşi ruşnə ki,de qıləy sipyə parçə puşniyə bıəbe,bə həzrəti domone.ə həzrət vey xoşhol iyən şo be və həmonə tojə bə dınyo omə hırdənış bəştə sinə dəkırnışe.çən.peşo əvış bəmı aspardışe və hamyeşone ki,çəy qofoku co məbi,hejo çəy kəno bıbi iyən çəyku mığət bıbi.
İmom Cavad(ə)-i təvəllud qıləy zəmonədə be ki,bə İmom Rıza(ə)-i ələyh ziyodə yavə təblığaton mevcud be.itərəfiku həm İmom Rıza(ə) de tosə 47 sinni çı fərzəndi soyb bıənıbe və çı şiəyon miyono ım etığod hestebe ki,peyğombəri bəpeştə imomon donzə qılən ki,çəy həm nəv nəfər çı İmom Huseyn(ə)-i nəsliku bəbe və İmom Rıza(ə)-i bın sinnədə fərzənd nıbey çə həzrəti imomətış de ciddiyə şək-şubhə dimbədimış kardəbe və bə deşmıni osyo ov rukardedəbe.İmom Cavad(ə)-i təvəllud qırd ım yavə təblığat iyən tanəonış bə hədər doe və ım hodisə bo şiəyon bənə dıli sard kardə qıləy nuş kardəninə ovi be ki,əvonış çı izitirob iyən iltihobiku peroxneşe.
Kərimə-Ğıron iyən dini rəvoyətonədə “İnfağ”-i kəlmə istilohi mənoədə bə mol ya Xıdo royədə bə fəğır iyən beçizon və ya ehtiyoc bıə vıəronədə əto kardə bıə çi votedən.çı infoği əhəmiyyəti barədə ımi votey vəs kardedə ki,Kərimə-Ğıron hejo əy çı nımoji kən ğeyd kardedə və infoğ iyən baxşeşi çı qıləy mumini nışonəonku hisob kardedə.infoğ Ğıroni ayəonədə hejo çı çokə əməl iyən ibodəti kəno ğərolış qətə ki,ım həm çəy islom iyən Ğıronədə bıə əhəmiyyəti nışon doydə.
