Çı Həşi kəno bıə Ovşum

Çı Həşi kəno bıə Ovşum

Qıləy okeyani ıştə nəzədə bıqətənən.insoni bə ın okeyani cəhəton bıə əhotə qıləy nəzədə hiç,de qıləy dırozə mutaliyə həm mumkin ni.şımə bə ın okeyani çı har tərəfiku həm varid bıbon,qıləy əzəmətinə dınyo mışohidə bəkardiyon.curbəcurə dıyoon,nığılə vırəon,mıxtəlif nev mevcudaton və çı dıyo əcibə mıxtəlifə forməon.ehanə ın baxşi va bıdəmon və bə həmonə dıyo co baxşi daxil bıbəmon,ijən həmonə daston iyən həmonə macəray.har vırəku ki,varid bıbəmon ijən həmonə odəmi bə heyrət vardə səhnəon mışohidə bəkardemon.

Im çı Əmirəl-Muminin Əli(ə)-i həxədə qıləy qədə iyən nırəsə misole.bə ın şəxsiyyəti çı har tərəfiku ki,nəzə bıkəmon,bəvindemon ki,bəvədə əcayibon və çoçinətiyon niyon bıə.ım mıboliğə və pandovney ni,bəlkəm qıləy insoni ocizəti əks sədoeye ki,çandə soron Əmirəl-Muminin Əli(ə)-i jimoni barədə mutaliyə kardəşe və ım hissış ıştə dılədə pəydu kardəşe ki,bə Əli(ə)-i –bə ın barzə şəxsiyyəti de qıləy soyə fame yəni de addiyə ağl,zehn iyən idroki bəy dast pəydu kardey nibəbe.Əli(ə)-i vucudi okeyani dılə çı har tərəfiku de çoçinətiyon pure.

Şımə məsə ın kəlməon çı islomi İnğılobi Yolə Rəhbəri sıxanon  bin. bə islomi iminə imon vardə və çı Xıdo Rəsuli(s) bıvə iyən koməqəkə Əli(ə)-i əzizə miladi ruj bud bıbu və əmə.

Əmirəl muminin Əli ibn Əbi Talıb(ə) Rəcəbə manqi senzəminə ruji bə dınyo çəşış oj karde.çə həzrəti təvəllud fili sori siminə sori de qıləy əcib-ğərib iyən misliş nıbə formə çı Kəbə dılədə yəni Xıdo Kə daxilədə bə əməl ome.əv,çı Əbi-Talıbi fərzənd iyən çə həzrəti cədd Haşımi zoə Əbdul-Mutəllib be.çə həzərti inə nom çı Əsəd ibn Haşım ibn Əbdul-Mənafi kinə Fatmə be.

Id iyən təbyəti rujon ərəfədəmon.təbyətədə vənəşon rəğs kardedən və çı bılbılon bə odəmi dıli nıştə sədo bə quş rəsedə.zımostonədə hışk bıə iyən mardə təbyət bəyji iyəm havz bedə.həni ısət çı xılğəti ofəyə Xıdo əzəməti barədə fik-fam iyən təfəkkur kardey zəmone.de İmom Əli(ə)-i təbiri:”Zəmin,de reçinə boğon vositə,həmməkəson bə şoyvonəti tərəf dəvət kardedə və ya nozokə livəon olətış bəştə tanış kardə.əy har syerəkə iyən vindəkəsi bə heyrət vodor kardedə və zinyət və zivəron fəxramziə formədə ıştənış dərostə və har vindəkəsi bə vəcd vardedə…. Xıdovənd avəonış ofəyə ta mardə zəmini i ğısməti bəyjiko və rənqarənqə beməyon perosno… peşo avəonış dumo yənde vığandeşe ta zəmini əhotəkon və kulok iyən voon voşi şıti çı avəonku duşedən və əy de şiddəti bəsə zəminisə peşandedən.avəon həm saru omən vəö ıştə sinəon bə zəminis dəsyudən və ıştə peştədə bıə çiyon təy kardedən və bın holədə çı zəmini beməyon nıbə baxşonədə nevbənev rəsəyon bejedə və çı bandon dovnədə havz və səbziyon bə əməl omeydə”.

Nəhcul-Bəlağə çı xılğəti mecuzəon barədə ğəşənqə tosif iyən vəsfonış heste və Əli(ə) hestemoni aləmi  deştə nığılə dərk iyən zıney,həmməkəsi bo çəyku bəhrə bardey sədo jeydə  və əvəsori vəcdi əlovə kardedə.bə Tavus pərəndəon tosifi işorə kardedə:

“Xıdlğəti həmməysə reçinə qıləyniku Tavuse ki,Xıdovəndi əvış vey ğoymə formədə ofəyəşe və çəy kəş-pərış de vey çokə ranqon dərsotəşe.deştə reçinə kəşon ki,çəy pəron bəsə iyandeysə cəm bıən və çəy dırozə dum ki,bəsə moə qıləsə şeyədə bənə çətri əy oj kardedə və ıştə səy səpe soğnə eğandedə.jıqo bızın çı kəşti vokıre ki,kəşti kapitani əvış oj kardə”.