Ğıroni prizmaku jimoni məhorəton
Ğıroni prizmaku jimoni məhorəton
İnsonon sosyal rabitəonədə təsirinə amilonku qıləyni,sıvol kardey,etıroz,ro nışon doey iyən bə iyande əmr və nəhy kardey şivəy.qahi vaxti qıləy fərd bə cəmiyəti normaon rioyət kardedəni və coqlə fərd niyyətış heste de əmr be məruf iyən nəhy əz munkəri çəy sıxan iyən rəftori islohko. Zohirədə ın qıləy hoston iyən adiyə ko bə nəzə rəseydə.qıləy holədə ki,əmr be məruf iyən nəhy əz munkər karde qıləy hostonə ko ni.ehanə ğərole ki,ım əmr və nəhy iyən tənğıd foydənin iyən təsirin bıbu,çın ko bə qıləy məxsusə məhorəti ehtiyociş heste ta əmə kardey bızınəmon qıləy fərdi hətto norohət nıkardə holədə,çəy səhfon bəy dərosnəmon.əmmo ım jıqo nıbu,çəmə əməl bəçəy norohətçəti boyis bəbe iyən çımi hiç qıləy təsirış nibəbe.həmçinin bəçəmə tərəf mığobili norohət kardey xoto bıə tars boyis bəbe ki,həni əmə çı əmr be məruf iyən nəhy əz munkəriku dast bıkəşəmon.qıləy holədə ki,çı har qıləy insoni inkişof əy tənğıd kardey sayədə bə dast omeydə və insonon iştimayi jimoni sabitəti iyən baği mandey çı əmr be məruf iyən nəhy əz munkəriku bə şıkrəy.
Məruf yəni qıləy məlumə çiye ki,insoni pokə fıtrət komilə surətədə deəy oşnoye.əmr be məruf yəni bə çok iyən xoş omə koon tərəf dəvət kardeye.de ın tərtibi munkər ki,çı inkori maddəkuye yəni qıləy yavə çiye ki,insoni lətif iyən pokə fıtrət deəy oşnoətiş ni iyən əy zıneydəni və nəhy əz munkər yəni çı yavə və bə xoş nıomə çiyonku oqəteye.
Bə çok iyən xeyə çiyon tərəf dəvət kardey bəvədə əhəmiyyət pəydu kardedə ki,insoni jimon bəçəy iştimayi bıey xoto,kollektiv surətədəy və de iyande farğ kardə cəmyəton eyni holədə bəyənde mandedən.təbiiye ki,bın cəmyətonədə çı insonon pebemon iyən inkişof de qıləy solim iyən pokə muhiti vositə bə əməl bome.co tərəfiku din qıləy soxtemon və sisteme ki,çı Xıdovəndi tərəfiku və çı kitob iyən sınnəti ğolibədə nozil bıə və bo insoni əndişə,hisson iyən əməlon boçəy iyən camiyə inkişofiro meyaron iyən norməon noye bıə.bəçəy xoto qıləy diniyə cəmyətədə bə meyar iyən ğanunon rioyət nıkardey və ya əy çı viro bekardey bə sosyal inhirifi boyis bedə və çı insoni səloməti təhdid kardedə.liza dini təlimon norməon oqəte bəştə tərədoron sıfarış kardedə və mısılmınon nəinki,ıştən fəğət bəbe bəy əməlkon,bəlkəm bəbe cokəson həm bımi əməl kardeyro təşviğkon.əmr be məruf iyən nəhy əz munkər bə norməon əməl kardey iyən erjon zumand kardey zəminə hozzı kardedə.çoko ki,qıləy cəmyəti uzvon iyəndeyku mığət bedən və iyənde bə həx və çokəti tərəf dəvət kardedən,həmçinin çı bevəc və yavə koonku iyande oqəteydən,ım ıştən tədricən bə çokə əməlon ənənəvi surətədə beıy iyən çımon bə insonon ruf iyən psixoloqiyə daxil bey təbdil bedə.
İslomi peyğombər(s) camiyə bə qıləy kəşti təşbih kardedə və de qıləy ğəşənqə misoli çı əmr be məruf iyən nəhy əz munkəri məntıği iyən qıləy vəzifə bıeyış zikrış kardə və çı fərdon bə cəmyəti bıə nəzorəti qıləy təbiiyə həx zıneydə.ə həzrət hamyedə ki,çı miləti miyono qıləy fərdi qıno,bənə ımiye ki,jıqo bızın ikəs de camaati bə dıyoədə hərəkət kardə kəşti ya qəmi nıştə və bə ikkərə dıyo miyonədə de təvə bino kardedə boştə nıştə vırə hıl kardey.ısət hakəs ki,bəy etırozko əv bəvote ki,az ıştə səhmiku istifodə kardedəm və ıştə nıştə vırə hıl kardedəm.ehanə cokəson çəy ın bə xoş nıomə koyku nıoqəto,lıski nidəbəvarde ki,çı dıyo ov bə həmonə kəşti dılə daxil bəkay və əyo bıə kəson həmməy dıyoədə ğərğ bəkarde.
Bəçəy ro Kərimə-Ğıroni mədəniyyətədə muminon inev bə camiyə qırd fərdon nisbətədə qıləy həxışon heste və çəvon bə iyande pand doey iyən əmr be məruf və nəhy əz munkər kardey məsuliyyətışon heste.əvon bəbe bəştə imoni tələbi əsos,bəbe iyandeyku mığət bıbon və ım ko boəvon qıləy zəruriyə vəzifəy.
