MBS-i bə Vaşinqtoni səfə hədəfon
MBS-i bə Vaşinqtoni səfə hədəfon
Səudiyyə Ərəbıstoni vəliəhd Məhəmməd bin Salman bə Ğahirə iyən londoni bəpeştə 2018-ə sori ıştə seminə xarici səfədə bə Vaşinqtonış səfə kardə.ım çəy çı Səudiyyə kraləti şahzadə bıey bəpeştə iminəkərəy ki,bə Amerkə şedə.
Səudiyyə Ərəbıstoni de Amerkə rəsmi rabitəon bino bıeyku 75 sor dəvardedə. həyğətədə, Məhəmməd bin Salmani bə Amerkə bıə dı haftəninə səfə çı dıqlə kişvəri rabitəon bino bıey hafto pencminə sorədə bə əməl ome.MBS-i bə Amerkə oxonə səfə çı Donald Tarmpi bə Sipiyə Kə daxil bıey bəpeştə dıminə səfəy.çəy b Amerkə iminə səfə 2017-ə Miladi sori əncom bıəbe və əv çı Ali-Səudi xanedaniku iminə şəxse be ki,de Donald Tarmpi vindemon kardedəbe.dəvardə sori səfədə Məhəmməd bin Salman vəliəhdi canişin,Mıdofiyə vəzir iyən “Aramko” şirkəti rəyis be və oxonə səfədə ıştə mıdofiyə vəzir iyən Aramko şirkəti rəyisəti posti oqətə holədə,həmçinin vəliəhdi məğamış həm hestebe və de qıləy co iborəti əv ısət çı Ərəbıstoni kral bə hisob omeydə.
MBS-i bə Amerkə bıə səfə hədəfon dıqlə yəni daxili iyən iyən regional səviyyədə təhlil kardey bəbe.daxili səthədə çı Bin Salmani bə Amerkə bıə səfədə vey muhimmə hədəf bəçəy ıştəni reklami iyən de Amerkə rabitəon tənzimi prosesi işorə kardey bəbe.
Səudiyyə Ərəbıstoni şahzadə şəxsi cəhəto bə Amerkə səfə vey muhimmə hədəf,çəy bə taxtı-taci rəseyro çı Amerkəku bəhrə bardeye.
Brukingezi İnstituti analitik Brus Ridl çı Məhəmməd bin Salmani bə Vaşinqtoni bıə səfə bənə 1946-ə sori çı Feysəl bin Əbduləzizi bə Vaşinqtoni bıə səfə zıneydə.Brus Ridl bın barədə nıvışteydə:”Amerkə de Səudiyyə Ərəbıstoni rabitəonku hafto penc sor dəvardedə.iminə kərə çı Səudiyyə Ərəbıstonədə Ali-Səudi təsisəkə Əbduləzizi seminə zoə Feysəl bin Əbduləziz be ki, 1943-ə sori və Dıminə Dınyo Canqi ərəfədə bə Vaşinqtoni səfəş kardəbe və Franklin Ruzvelti vindemon iyən votemonış kardəbe.Feysəl deştə pıə vositə bə Vaşinqton vığandə bıəbe. Vaşinqtonədə bəçəy pişvaz de dəb-dəbə beşin və əvışon çok-çoki ğəbulışon karde.bın səfə zəmonədə Feysəl de Amerkə çı Ərəbıstoni Zəhranədə qıləy aviya-hərbi baza soxtey barədə mığoviləş dəvaste ki,ım həm çı Amerkə Miyonə Şərğədə iminə hərbi aviya-baza be.ın hərbi baza 1946-ə sori oj be.Amerkəvıjon de tosə 1996-ə sori çın bazaku okoşon doe”.
Həyğətədə Feysəl bin Əbduləziz Ərəbıstoni zəminədə hərbi baza iyən çı natə çoləon imtiyozış bə Amerkə doşe,əmmo muhimmə nuktə ıme ki,Feysəl bin Əbduləziz bə Vaşinqtoni səfə de çəy pı bəpeştə çəy kral bıey nıorəxe,bəlkəm sıftədə çəy bo Səud bin Əbduləziz podşo be və 1964-ə sori Feysəl bin Əbduləziz çı Ərəbıstoni kral be ki,oxoyədə çəy podşoəti deçəy ğətli bə oxo rəse.
