Osmoniyə surəon-86
Osmoniyə surəon-86
Şəkk ni mominon nicot pəydu kardeşone.həmonə kəson ki,ıştə nımojonədə xuşu(tars) təvozukorətişon heste.
Muminin mıborəkə surə Kərimə-Ğıroni vistı seminə mıborəkə surəy , 118 qılə ayəku iborəte və Məkkədə nozil bıə.çın surə nom bəçəy xoto Muminin noey bıə ki,çın surə sıftənə ayəonədə qıləy kırt iyən de mehtəvo pur bıə iborəti muminon tərsim bıən.odəmi dığğəti cəlbəkə çi ımbe ki,ım surə çı harçisə bənav bə muminon de ixtixori pur bıə tale iyən sənıvışti işorə kardedə ta bə ın barzə məğami rəseyro çı muminon dılonədə lozım bıə şovğı-iştiyoği şuləvərko.joqo ki,hamyedə:”muminon nicot pəydu kardeşone”.
Fəllah iyən nicot pəydu kardey hovujə mənoş heste.həm bə maddi səbarzətiyon və həmən bə mənəvi ovandəti şomil bedə. Dınyəvi ğələbə iyən perəxey bımədəy ki,inson ozod iyən səbılınd jimon kardedə və ım həm fəğət çı imoni sayədə hosil bedə.axırəti ruji nicot pəydu karsdey həm ıme ki,inson ilahi rəhməti kəno Xıdovəndi əbədiyə nemətonku bəhrə bardedə iyən bə kəmol və səbılındədi `barzə dərəcə rəseydə.
Peşonə ayəon çı əhli imoni bəçəvon hərəbaxtəti boyis bıə xısusiyyətonku bəhs kardedə.həmməysə bənav bəsə nımojisə anqıştə noydə və hamyedə:əkəson ki, ıştə nımojonədə xaşe iyən təvazukorin.”xuşu” yəni çı qıləy dıjdə şəxsi mığobilədə cismi iyən ruhi cəhəti təvazu iyən ədəbin bıeye ki,insonədə pədyu bedə.ayə dığğət doydə ki,çı muminon nımoj qıləy sıxan,berufə hərəkət iyən bemənoə çi ni,bəlkəm nımoji vaxti çəvon bəştə pərvərdıqori bıə qılə məxsusə dığğət bə əməl omeydə ki, əy ğərəz Xıdo çı qırd çiyonku co kardedə. əvon ıştəni çı oxoş nıbə vucudi mığobilədə qıləy zərrə hisob kardedən.əve bə təfəkkur iyən deştə pərvərdıqori razo-niyozi ğərğ bedən..
Xalığə Xıdo əzəməti dərk kardey bəşəri bə xuzu iyən xuşu vodor kardedə.de xuşu bıə nımoj insonədə bə təkəbbır iyən yoləşəxəti ruhiyyə darşiye boyis bəbe və çı əxloği fəzilət iyən kəmolon zəminə hozzı kardedə…..
Muminini mıborəkə surə 3-ə ayədə bə muminon co xısləton işorə kardedə və çəvon çı ləğvo-ləğviyyatə koonku bə diyəro bıeyku xəbə doydə.joqo ki,hamyedə: “Və əvon ki,çı bihudə (sıxan və koonku)dim qordıneydən və həmonə kəsonnin ki,zəkoti pərdaxt kardedən(doydən).”
”Ləğv” yəni behədəf iyən benəticə koon mənoədəy.demiyən çı muminon qırd hərəkaton iyən jimoni xətton qıləy səmərənin iyən foydəninə hədəfon dumoe. həlbəttə,ləğv fəğət bə bihudə sıxan iyən əməlon şomil bedəni.bəlkəm,Xıdo çı insoni yodo bekardə bihudə iyən hədərə fikon həm şomil bedə.həmçinin insoni çı foydəninə koon həxədə təfəkkur kardeyku oqətə çi ləğvi mənoədəy.əmmo muminon jıqo tərbiyəşon vində iyən perəsən ki,həni bə bihudə koon dast jeydənin və botılə koon barədə əndişə iyən təfəkkur kardedənin.çımisə əlovə de Kərimə-Ğıroni təbiri əvon çəyku dim qordıneydən.
Çı muminon coqlə xıslətonku qıləyni iştimayi iyən ixtisodi cəhəto vey əhəmiyyətine və əv həm çımiku iborəte ki,əvon zəkot pərdaxt kardedən doydən və bə camiyə ehtiyocon iyən ğusuron dığğət kardedən.
Zəkot inev şəri maliyyate və çı dini islomi vocibatonku bə hisob omeydə.zəkoti kəlmə Kərimə-Ğıronədə kali vıronədə mıstəhəbbi mənoədə yəni infoğ və baxşi mənoədə oko doey bıə və bəzi vıronədə həm vocibə zəkoti mənodə istifodə bıə. Kərimə-Ğıroni 28-ə ayədə zəkot çı nımoji kənoyədə omə və ım islomədə çı zəkoti vırə əhəmiyyətin bıey nışon doydə.
