Azərbaycan Respublikə prezdenti həştminə vıjnemoni etat-petaton
Azərbaycan Respublikə prezdenti həştminə vıjnemoni etat-petaton
Azərbaycan Res.Konst.Məhkəmə heyət de Fərhad Abdullayevi rəyisəti aprelə manqi 17-ədə bın kişvərədə dəvordınə bıə oxonə prezdenti səçıni həxədə iclosış bərpo karde və ın vıjnemonədə milləti de 86 fayiz sədo bə İlham Əliyyevi sədo doeyış təsdığ karde.
Bə Az.Res.Əsosə Ğanuni əsos Konst.Məhkəmə tərəfiku prezdent səçıni nəticəon təsdığ bıey bəpeştə-se ruji ərzədə prezdenti inaqurasiyə mərosim bərpo bıənine və İlham Əçliyevi zinə ğəssəm hardey mərosim dəvordıney be.
Az.Res.Novbəku bə kəno prezdenti vıjnemon cari sori apreli 11-ədə de həşt qılə nomizədi rəğobəti və 125 vıjnemoni məntəğədə de 900 beynəlxalğ mışohidəçiyon vositə bərpo be və İlham Əliyev ijən çominə kərə,əmmo ısət bo haft sori mıddəti Az. Respublikədə bə prezdendəti kursi bənışte.
Az.Res. prezdənti səçın həştminə devrə həyğətədə Konsti-ədə islohat bardey bədiqə sıftənə kərə bə hisob omeydə ki,prezdenti zəmon çı 5 soriku bə 7 sori rosney bıə.İlham Əliyev çomiə kərəy ki,dumo yənde Az.Res. prezdendəti vəzifə bəştə ixtiyor sedə.əv səçıni nəticəon orəxey bədiqə elonış karde:”Az.Res. məxloği bə sabitəti,əmniyyət iyən inkişofi sədoşon doə və əmə vey zumandə Azərbaycan bəsoxtemon”.
İlham Əliyev Miladi 2003-ə soriku bə Az.Res. prezdendəti kursi nıştə.
Az.Res. prezdent İlham Əliyev çın cari miladi sori sıftədə de qıləy bəyoniyyə elonış karde ki, Az. Res.prezdenti vıjnemon çın sori oktyabri 17-ə ku bə apreli 11 tarıxi ovoştıney bıbu.
İlham Əliyevi iştimayi-siyosi məsələon mışovir Əli Həsənovi çın tarıxi əvəz kardey dəlilon barədə ımış votə:ım vıjnemoni novbəku bənav dəvordeny dəlil Az.Res-ədə kali muhimmə daxili iyən Beynəlxalğ tədbiron xotoye.
Deməkə ki, Az.Res. rəsmi şəxson ın dəlilon əsos vardeydən,əmmo Boku devləti mıxolif partiyəon çı Boku hokuməti ın ya bənə ımi bıə dəlilon ğəbul kardedənin və ım ko çın kişvəri prezdenti yəni İlham Əliyevi tərəfiku qıləy ıştənbəsə hərəkət zıneydən.məsələn,Az.Res. Xalğ Cəhbə partiyə islohtələbon rəyis iyən Boku devləti mıxolif Əli Kərimli de qıləy murociəti vositə İlham Əliyevi ın ğərolış tənğıd karde və voteşe:”Boku devləti mıxolif partiyəon bə ğərol oməbin ki, de bəhar fəsli bino bıey 2018-ə sori martə manqədə bın kişvərdə ıştə siyosi etırozon binokon.əmmo hakimiyyət de bə ın ko mane bıey hədəfi,prezdendəti səçınış 6 manq bənavış varde”.
Bə aşmardə bıə sədo iyən rayon əsos,İlham Əliyevi rəğibon ki,ımon iborət bin çımonku:sosyal-demokrat partiyə sədr Araz Əlizodə ki,1.39 fayiz sədoş kəsb kardəbe,Vahidə Xalğ Cəbhə partiyə sədr Ğudrət Həsənğoliyev de 3.04 fayiz sədo,Pebemoni partiyə rəyis Fərəc Ğoliyev de 1.18 fayiz sədo,Mıosirə Mısovati partiyə yol Hafiz Hociyev de 1.5 fayiz sədo,Xalğ Cəbhə təşəbbus dastə tərəfiku Razi Nırolləyev de 0.75 fayiz sədo, Demokrat partiyə tərəfiku Sərdar Cəlaloğlu de 3.02 fayiz sədo və mıstəğilə nomizədi formədə bıə Zahid Oruc de 3.11 fayiz sədo bə dastışon vardəbe.deməkə ki,ımon koğəzi səpe çı İlhom Əliyevi opponenton iyən rəğibon bə hisob omeydəbin,əmmo səçıni devrədə çəvon de İlhom Əliyevi miyono jəqo həm qıləy rəğobət bə çəş çiyedə nıbe.məxsusən çəvonku şəş qılə praktiki və həyğətədə çı Boku devləti ıştən nezə odəmon bin və hətto bəştə mosirə mısovati partiyə yol votə Hafiz Hociyev ıştə sədo doey bədiqə bə jurnaliston voteşe ki,mı bə İlhom Əliyevi sədom doe.
Çəvonku dıqləyni fəğət yəni soyal-demokrat partiyə yol Araz Əlizodə iyən Az.Res.Demokrat partiyə rəyis Sərdar Cəlaloğlu çı Nuyə Azərb.hakim partiyə mığobilədə mandəbin ki,əvon həm jəqo bo İlhom Əliyevi ciddiyə rəğib bə hisob omeydə nıbin.
Im qıləy holədə be ki,Az.Res.-ədə aktivə siyosətmədoron umdətən ya həbsxonədən və çın kişvəriku dəvitiyən.həyğətədə bənə İslom Partiyə həbsədə bıə rəyis Hoci Mohsin Səmədov və məşhurə ruhani Hoci Tale Bağırzodə və bənə ımon ki,Az.Res-ədə veyin və çın kişvəri mısılmonə millət vəomədə deçəvon vucudi ixtixor kardey bəzıneyn,əmmo de ilhom Əliyevi rəhbərəti bıə Boku hukuməti siyosət ım be ki,joqo patriot iyən vətənpərvərə ğıvvon çı miyoniku bekardo ta bəvon mane nıbon.
