İmom Huseyn(ə),islomi royədə şucoət iyən fədokorotəi simvol
İmom Huseyn(ə),islomi royədə şucoət iyən fədokorotəi simvol
Hicrəti çominə sori Şəbanə manqi seminə ruji Əli(ə) iyən Fatimə(s) kə bə nuri ğərğ be və Xıdo pəyğombəri(s) dıl həddiku ziyodə bıə şoyvonəti pur be.ın mevlud Huseyn(ə) be ki,tojə bə dınyo çəşış oj kardəbe ta pəyğpmbəri(s) bino kardə ro deçəy vositə dəvom pəyduko.Ğudsi hədisədə omə ki,Xıdovənde-Xalığ İmom Huseyn(ə)-i moəku bıə zəmonədə bə Xıdo Rəsul(s) hamyeşe:” mıborək bıbu ın mevlud ki,çımı salavat və rəhmət bəy bıbu və mıborək bıbu bo şımə iyən bo qırd dınyo mısılmınon de ın dıjdıə ruji rəse mınosibəti.qıləy ruj ki,Huseyn bə dınyo ome və deştə ozodəti,eşğ iyən fədokorətiş bə ərməğon vardeşe”.
Imruj Əhli-Beyt(ə)-i piyəkəson dınyo həmmə vırədə ım ruji id qətedən və çı həzrəte İmom Huseyn(ə)-i əzəmətinə miladi ruji məxsusə formədə şoyvonəti kardedən.zira çəy jimon,əndişə iyən ğıyomiku əbədiyə dərson omutəşone.qıləy jimon ki,de insoni barzə kəmol iyən mərıfəti pur be.
Har qıləy insoni həyğiyə erj çəy elm,fəzilət,kəmolat iyən əxloğiyə sıfətonədəy.bəşəri fərdon fisiki iyən malik bıə çiyon cəhəto de iyande tafutışon heste.əmmo ın farğon bəbe bəçəvon iyandesə ıştəni bəpe qətey boyis nıbu.əvoni iyandeku co kardə çi,çəvon elm,fəzilət iyən çokə əxloğe və Huseyn(ə) qırd ım sıfəton kəmoli həddədə kəsbış karde və bəşəri tarıxədə yekanə və yek be.
İmom Huseyn(ə) bəşəri tarıxədə nımunə insononku qıləyniye.çə həzrəti Kərbəlo dardinə vağiyədə mislış nıbə fədokorəti, istiğomət,həxpərəstəti,təvəkkul,irodə ğudrət,şucoət iyən sabitğədəməti,çı İmom Huseyn(ə)-i vucudi həyğətiku fəğət ibaxşi oşko kardedə və çə həzrəti vucudi təcəlliku izərrə dılon bəştə tərəf cəzb kardedə.həyğət ıme ki,əxloği barzə keyfiyyəton nıbə holədə,bo co kəson ım aşmardə bıə xısləton bə əməl omey mumkin ni.yəni imon, mərıfət, yəğın və təvəkkul bəbe qıləy şəxsi vucudədə vey ali həddədə bıbu ta əv ilahi ayəon məzhər bıbu.
Tarıxədə jəqo nomdorə şəxson bıənin ki,har cəhəto əzəmətin bıbon.qıləyni şucoət coqləyni merdəti cəhəto,qıləyni zohd və coqləyni ıştə coniku dəvarde və fədokorəti cəhəto.əmmo əzəmət har qıləy cəhəto iyən har insoniyə fəzilətədə jıqoeye ki,çı əzəməti sərçeşmə iyən buzurquvorəti nımunə bıbu,ım fəğət bə İmom Huseyn(ə)-i məxsuse.çı viro beməkəmon ki,Bəni-Uməyyə İmom Huseyn(ə)-i şəhodəti bəpeştə şest sori mıdddətədə bə İmom Huseyn(ə) iyən bəçəy buzurquvorə pı Əli ibn Əbi Talıb(ə)-i minbəronədə bə zəmonə hukuməti ələyh beşey xoto lənət kardedəbin.demiyən hətto çəvonku inəfər həm de qırd aybi dumo nəve bə ico,əvon kardeyışon zənəni çə həzrəti pərhiskorəti iyən dindorəti həxədə curət pydukon qıləy yavə sıxankon.
