Ğərbədə islomofobiyə
Ğərbədə islomofobiyə
Təğribən 300 qılə Fransə siyosi,fərhənqi,nəcməsənət iyən iştimayi şəxsisyyəton de qıləy islomofobik hərəkəti de ” tojə anti-semit tədbiron” nomi bıə nomə vositə,çı mısılmınonku tələb bıə ki, bo yəhudi, məsihi iyən kofiron kışte iyən cəzo doeyro dəvət kardə surəon çı Ğıroniku şodon.çı Fransə eks-prezdent Nikola Sarkozi nom həm çə nomə imzo kardə kəson miyono heste.ın məktubi imzo əkəyon bə Fransədə oxonə maqnonədə 11 qılə yəhudi kıştey ko işorə kardə holədə,ım ğətlonış mıstəğim iyən sərostə formədə de mısılmınon əloğədor zınəşone iyən elonışon kardə ki,Fransədə anti-semitizm çı islomofobiyəku ziyode və vey bevəcə vəzyətədəy.
In nomə imzoəkəyon ya tarıxi çok-çoki zıneydənin və ya həyğəton bərəks nışon doey dumon. həlbəttə, dıminə varyant bə həyğəti neze.qıləy həyğət və realəti ki,Fransədə bıə dıjdə yəhudi lobbiyon de islomofobiyə nomi çəy hidoyəti ko ıştə dastədə oqəteydən.Fransədə bıə mısılmınon cəmyət ısət bə şəş milyoni neze ki,əvon har ruj çın kişvəri camiyədə de ziyodə təhdidon,məhdudiyyəton iyən ğadağəon dim bə dimin. Qıləy holədə ki,iyo bə yəhudiyon qıləy qədə həddə ihonət iyən təhğır bıbu,ımi qıləy anti-semit hərəkət cilvə doydən. de 300 qılə Fransə siyosi,fərhənqi,nəcməsənət iyən iştimayi şəxsisyyəton vositə bo Kərimə-Ğıroni ibaxşi çın osmoniyə kitobiku bekardeyro bıə nomə həm,bəbe Fransədə aniti-yəhudi ləpə çərçivədə bızıni və təhğığ kardey bıbu.yəhudi iyən mısılmınon beşək ıştə jimoni tarıxi dırozi, de iyande keşməkeş iyən rəftoronışon bıə və bə iyandeku təsironışon ğəbul kardə.çun ilahi dinon deiyande ziddiyət və ixtilofışon ni,bəbe çı yəhudiyyət iyən islomi miyono həm hiç qıləy ixtilof mevcud nıbu.qahi vaxti çı dinon tərəfdoron təəssıb boyis bedə ki,çəvon miyono qıləy ixtilof bə əməl boy.Kərimə-Ğıroni Bəğərə mıborəkə surə 285-ə ayədə omə:”mısılmınon bəbe qırd navkonə ilahi pəyğombəron ğəbulkon. ğərəz bın surətədə çəvon imon komil nibəbe”.
