Təkfiri cərəyonon
Təkfiri cərəyonon
Bə ın nuktə işorə kardemone ki,bo vəhhabi sələfiyon mahiyyəti zıneyro harçisə bənav bəbe bə nəğli iyən hədisi meyl bıə hərəkaton bızınəmon.şək ni ki,Kərimə-Ğıroni bədiqə sınnəti çı insonon hidoyəti koyədə əsosinə rolışon bıə.əmmo sınnəti tarifədə nəzəon mıxtəlife.əhli-təsənnun etığodışon heste ki, Peyğombəre-Əkrəme(s) rehləti bəpeştə çoko ki,vəhy ğət iyən bırniye be və de Xıdovənde-Aləmi rabitə nəbe,qırd koonədə həm fəğət de peyğombəri(s) vositə omə bəçəmə dasti rəsə çi,kifoyət kardedə və əmandə məsələon deçəmə istinbat və idrakiye.əmmo şiyəon etığod ıme ki,harçənd vəhy bırniyə bıə, əmmo bo ilahi ayəon iyən hukmon izoh doero bə qıləy mısumi ehtiyocimon heste ki,əvoni sa fayiz dırıst və səhih boəmə bəyon iyən izohko və ilahi hukmon həyği iyən səhihə fromədə boəmə bəyonkon, nəinki, çı qıləy fərdi şəxsi istibat iyən dərk.əhli-sınnət imoməti de sosyal rəhbərəti nomi ğəbul kardedən,əmmo imoməti dini mərcəiyyət iyən viloyəti mənoədə ğəbul kardedənin.əhli-sınnət bo hiçkəsi hətto bo Əbu bəkri, Uməri iyən Osmani həm həm jıqo qıləy mənsəb ğayil nin.bəçəy xoto imom iyən xəlifədə isməti lozım zıneydənin.əmmo şiyə ıştə imomon məsum zıneydən.şiyə etığodışon heste ki,peyğombər(s)-i bəpeştə,Xıdovəndi bo islomi camiyə rəhbərətiro vıjniyə imomon çı islomi-peyğombəri(s) elmi soybin və əvon ilahi ayəon iyən nəbəvi rəvoyəton təfsirəkə iyən bəyonəkən və əvon bə cari məsələon cəvob doydən.bəçəy xoto şiyə de bə imomon elmi okeyani ovard kardey kardeyışon zınə peyğombər(s)-i bəpeştə çı tojə problemon iyən şubhəon mığobilədə qıləy ğoymə təkyəco pəydukon.əhli-sınnəti alimonku bıə Əban ibn Təğləb nıvışteydə:”şiəyon əkəsonin ki,millət bə peyğombəri(s)-i əmronədə ixtillof kardeyədə,əvon bə Əli(ə)-i sıxan və ğovli istinodışon karde.və bə zəmon ki,çəvon bəpeştə ijən ixtilof bə əməl ome, bə İmom Sadığ(ə)-i təməssık kardeşone iyən çanq ğandeşone”. Qıləy holədə ki,çı şiyə bə peyğombər(s)-i bəpeştə bəvə beşə muşkilot iyən məsələon cəvob,de bə Əhli-Beyt(ə)-i ovard kardey həll be. əmmo əhli-sınnət bın zəminədə əvon peyğombər(s)-i bədiqə de muşkiloton dimbədim omin.əvon Xıdo-Rəsul(s)-i bəpeştə bəovon fəğət çə həzrətiku mandə hədisonışon hestebe.beşək çın rəvoyətonku iborət jıqo qıləy koleksiyə kardeyışon zınə bə əhli-sınnəti elmi ehtiyocon mıəyyən qıləy həddədə cəvob bıdo. əmmo çı xəlifəon hədisi tədvin iyən nıvıştey vəy qətey,elmi mənbəon əxz kardey çəvonku dızdiyəşe vəəvonış məhrum kardəşe.iminə iyən dıminə xəlifəon bənə peyğombəri(s) bəpeştə mısılmınon miyono ixtilof eqıniye bıə kali dəlilon əsos,peyğombər(s)-i sınnəti səbt iyən nıvıştey vəy qətey be və ziyodə hədisonışon çı miyoniku bardeşone.itərəfo çəvon miyono qıləy bəyjiyə mərcə və ovard kardə kəs həm nıbe ki,millət bışon ıştə tojə har rujnə məsələon çəvonku dəparson və ıştə bastə bıə anqılon ojkon. co tərəfiku həm peyğombər(s)-i sınnət məhcur mande və hədisi nəğl kardey iyən nıvıştey məmnu və ğədəğən be.
