Osmoniyə surəon-91

Osmoniyə surəon-91

Ayəon əxloği iyən tərbiyəvi bəhson dəvomədə çı fəsodi vəy qətey roon kali qıləyni bəyon kardedə.bın ayəonədə islomi iştimayi dəstur iyən rəftoron ədəbonku ibaxşe ki,bə milləti xısusi sırrinə çərçivə iyən sosyal iffəti oqəteyro ayide,bəyon be və əv bə milləti kəon daxil bıey iyən icozə sıey formə bəyon kardedə.

Kərimə-Ğıron təzəkkur iyən doydə ki,hiçvaxti beicozə bə cokəson kə daxil məbənən və ehanə bəşmə votey bıbu oqardənən(hiç qıləy norohətçəti nıbə holədə) şımə oqardənən. həlbəttə, bəşmə varid beıy icozə doey beyədə,de mehribonəti iyən bə kə əhali səlom doə holədə daxil bıbənən.

Nuri mıborəkə surə 30 iyən 31-ə ayəonədə bə merdon bə jenon iyən jenon bə merdon erəxey işorə bıə.Kərimə-Ğıroni prizmaku imoninə merdon bəbe ıştə çəşon kontrolkon və bə Xıdo xoş nıomə vırəon diyə nıkon.əve bə nomhrəmə jenon dimon diyə kardey bəbe qıləy lozımi iyən zəruri həddədə bıbu iyən de ləzzət ğəsdi nıbu.Nuri mıborəkə surə bə qırd insonon məxsusən bə muminon çəşnavi doydə ki,ŞIMƏ QIMON MƏKƏNƏN Xıdo şıməni vindedəni.bəlkəm,şımə niyyət həm Xıdo palu məlume.

Qıləy ruj Ənsariku iqlə cıvon ıştə royədə bə qıləy jeni peqıniye.bın zəmon jenon ıştə məğnə iyən pəlu bəştə quşon peşti dəbastedəbin və həmçinin çəvon qərdən iyən sinəku ihissə çiyedəbe.çə jeni sıfət çə həmonə cıvonə merdi nəzəş cəlb karde və ıştə çəşonış bə həmonə jeni xıyəş karde.çoko ki,həmonə jen dəvarde,həmonə cıvonə zoə hejo jəqo bəy diyə kardedəbe,qıləy holədə ki,əv bəştə ro dəvom doydəbe.ğəflətən çəy surət iyən dim qıniye bə divo və çəy dim tıpe və xun cari be.əv çımiku vey norohət be.əve peyğombəri palu ome və macəraş bo ə həzrəti nəğlış karde.bın zəmon vəhyi peyk Cəbrəyil(ə) de hicobi ayəon nozil be və ın ayəonış bo pəyğombəri handeşe. Bə muminə merdon vuji:ıştə(nəzəon)çəşon (bə həromə çiyon erəxeyku) eqətin(beji) iyən ıştə abru-həyo oqəton.ım boçəvon vey pok mandey xoto veyçoke.şək ni Xıdovənd bəçəvon əncom doə çiyon aqahe.

Bə muminə merdon vuji:ıştə(nəzəon)çəşon (bə həromə çiyon erəxeyku) eqətin(beji) iyən ıştə abru-həyo oqəton.ım boçəvon vey pok mandey xoto veyçoke.şək ni Xıdovənd bəçəvon əncom doə çiyon aqahe. Bə imoninə jenon vuji:ıştə çəşon (həromə nəzəku) saru bıqəton və ıştə aybə vırəon hifzkəyn və ıştə ziynəti oşko məkənən.ıştən təbiiyə holətədə çiyə ziynət əşyon istisnan.və bəbe qıləy şol(ləçək) ıştə qiy sape eğandon(ta çəvon sə,qiy və sinə puşney bıbu)iyən ğərəz ıştə şuon ya pıon ya ıştə həsuon ya ıştə zoon ya ıştə şu zoon(ki co qılə jenonku bıə)ya ıştə boon ya ıştə bo zoon ya ıştə hovə zoon ya ıştə dinədə bıə jenon ya ıştə mailk bıə şeyon(kəniz ya nokə)ya bə cinsi əloğə meylışon nıbə merdon ya çoki-bədi nıdərəsə hırdənon,ıştə ziynəti bə cokəson nışon nıdəyn.həmçinin poyə faxti ıştə lınqon jıqo bə zəmin nıjənon ki,çəvon məxfiyə ziynəton oşko bıbu.30-31

Bın ayədə ıştə çəşon eqətonku məğsəd,ıme ki,havaxti insoni çəş bə noməhrəmə jeni peqıniye, ıştə jenon jıqo saru eqətey bıbu ki,bıdə həmonə noməhrəmə jen çə həmonə vırəku bə diyəro bıbu və həromə çəşon bəy diyə nıkon.

In dıqlə ayə bə kalijenı-merdi de iyande muaşirət iyən rəftorədə bıə vəzifəon işorə kardedə.min cumlə mısılmınon ısət çı merd bıbu ya jen,bəbe əvon ıştə nəzə iyən erəxey kontrolkon.bəbe həm mısılmonə jen və həmən mısılmonə merd pok iyən pokdovnə bıbon və ıştəni co no məhrəmə insononku çəşkon.jenon bəbe ıştəni çok-çoki dəqəton və ıştə zər-zivər iyən zinət əşyoon çı noməhrəmə merdon niyonkon və bo camiyə muhiti səlomətiro bəbe əvon merdon təhrik iyən cəlb nıkon.

Islomi nəzəku jenon iştimayi muhitədə ıştəni cilvə doey iyən nışon doey ğədəğəne.əmmo de bə hicobi rioyət kardey jeni cəmyətədə iştiroki hiç qıləy maneçətiş ni.