Dınyo Mətbuati ruj

Dınyo Mətbuati ruj

Dınyo hodisəon təğvimədə maya manqi seminə ruji de dınyo mətbuat ruji məşhure.İMT umumu assambleya miladi 1993-ə sori dekabri 20-ədə ıştə çılı həştminə sessiyadə ki,ha sor maya manqi seminə ruji  Yuneskoədə dəvordıney bedə.Yunseko dı sor çəy bənav  1991-ə sori ım tələbış de mətbuati ozodəti bəpe bardey tələbi bəhsış karde.çap iyən intişor bıə və çı umum məxloği ixtiyorədə ğərol doə bıə mətləbon ısət çı kitob,məcəllə,jurnal ,mahnonə,fəslnomə iyən rujnomə iborət bıə çiyon mətbuat votedən.əmmo umumi iyən urfən mətbuat vey vaxti bə jurnal iyən qazeton şomil bedə ki,tojə iyən ruji xəbəon bəvədə çap bedə.ımrujnə dınyoədə KİV rabitəon həmməysə vey muhimmə informasiyə vositəonin.dınyo səviyyədə har qıləy cəmyətədə harujnə məlumat və xəbəon hevujəti  boyis bıə ki,KİV qıləy məxsusə vırə boştə pəydu kardedən.bın miyono mətbuati qıləy umdə rolış heste  və bə milləti əfkor iyən əndişə cəhət və istiğomət doey koyədə ziyodə təsirış heste.demokratik mıəssiəon və institon bə çoqlə istinodi əsose ki,ozodəti mətbuat çəvonku qıləyniye.mətbuat de çoqlə prinsipi nomi qıləy demokratik hukuməti ımrujnə dınyoədə vey əhəmiyyətin iyən əsosinə rolış heste və de nuyə texnologiyə iyən informasiyə vositəon əbzoron hevujəti bə milləti aqahəti doey cəhətədə ijən çı mətbuati ımrujnə camiyədə bıə roliku bə kam bıəni.

Ceymz Meyl(1733-1836) sosyal sektorədə bıə teorist iminə kərə bo informasiyə vositəon nəzorətəkə ya mışohidəçi məfhumış oko doe.əv çı mətbuati himoyə kardə kəsonku be ki,bəçəy əğedə əsos informasiyə vositəon ozodəti nıbey,sosyal ozodəti bə oxo rəsey mənoədəy.əmmo mətbuat həm ıştə umri dırozi bə ziyonon məruz mandə  və ısətən həm jəqoe.mətbuati çı reklamiku bə şıkrə bıey həm bəy varid kardə vey dıjdə ziyonokuye.qıləy nəşriyyə ki,boştə qıləy ozodə bəromə hozzı kardey nızıno,əv sabitə formədə mandey nibəzıne.