Rəhbəriyyəti nəzə
Rəhbəriyyəti nəzə
Mayə manqi sıftənə ruji Dınyo Koəkə iyən fəhləon ruje və ın qıləy fırsət bə dast doydə ki,har qıləy kişvəri ixtisodədə əsos iyən muhimmə rolış bıə bə ın zəhmətkeşə insonon ehtırom noydən iyən bəvon ğədrdonəti bedə.İronədə fəhləon nəinki,ixtisodi ərsədə bəlkəm,bəçəvon siyosi iyən sosyal məsələonədə bıə fəaliyyəton həm dığğət bıə.hasor de ın ko əloğədor çı cəmyəti zəhmətkeş iyən təloşkorə insonon idastə de İron İslom Respublikə Yolə Rəhbər həzrət ayətullah Xameneyi vindemon kardedən və çə həzrəti bəyonatonku bəhrə bardedən.harçənd jıqo vindemononədə ə həzrət adətən koəkon təbrik iyən bəvon ğədronəti kardey bəpeştə çandə qılə məsələonku bəhsışon karde.əmmo çun ımsor dınyo fəhləon ruji de İmom Məhdi(əc) miladi ruji nez bıey xoto bın zəminədə həm ro nışon iyən oj kardə sıxanonku bəhsış karde.
Şəbanə manqi ponzəminə ruji çı bəşəriyyəti aləmi xiloskor bıə həzrəti İmom Məhdi(əc) miladi ruje.qıləy imom ki,Xıdo-Peyğombər(s) vədəş doə ki,əv deştə ğıyom iyən hukuməti qırd dınyo de ədoləti pur bəkarde.həzrət ayətullah Xameneyi ın rujış bo vəomə qıləy umuş bıə rujış zıne və hamyeşone:”Niməye-Şəban bə vəomə umu məzhəre.yəni qırd umon ki,əmə bə qıləy çi pəydu kardedəmon,mumkine əməli bıbu ya mumkine nıbu.əmmo de həzrəti Həxı mutləğə vəliiy iyən imomi yəni de həzrəte imom Zəmon(əc) vositə bə oxonə islohi bıə umu mumkin bıənine.ın vədə çı ilahi hukmən mumkin bıəninə vədəy.ə həzrət bə qırd milləti xitob kardə holədə məxsusən bə koəkəyon bə həzrəti Məhdi(əc) zuhuri umu kardey,hamyeşone:çımı əzizon !əzizə cıvonon! əzizə fəhləon! In umu ğədri bızınən.bə ımrujnə çı əbərğudrəton sultə jiyədə bıə çın dınyo zılmətə çehrə əvəz bıey umuon bıbu.bızınən iyən xatırcəm bıbən ki, ın vəzyət əvəz bəbe.peştıpur bıbən ki,çəmə ımrujnə mışohidə kardə fəzo iyəb sfera əvəz bəbe. dınyoədə beşək bənə de Amerkə iyən seonist rejimi yolon və həmçinin de cokəson vositə jıqo yavə votey iyən zu tətbiğ kardey bıə jıqo xəbisətiyon iyən rəzoləton bə oxo bərəse və ın vəzyət əvəz bəbe.ım həmonə umuye ki,çəmə hesemone.əmə bəbe koməqkəmoon,Xıdoku tələbkəmon və ıştən həm cəhdkəmon ki,həmonə İmom MƏHDİ (əc) zuhuri ruji bəvə eğandəmon və nezkəmon inşaallah.
