Osmoniyə surəon-92

Osmoniyə surəon-92

Bə ımrujnə dınyo qıləy nəzə kardeyədə,mışohidə kardedəmon ki,ğərbədə de jenon ozodəti nomi bıə fenomen ğərəz cinsi rabitə əv həm veyni bo merdon ləzzət bardeyro co qıləy məhsulış bıə ni.bə səshihə statistik məlumaton əsos,de dınyoədə lut-uryonəti ziyod beıy,jenı-merdəti jimonədə təloğ və iyandeku co bıey mığdor vey bəpe şıə.çıro ki,jıqo şəhvətpərəstə muhitonədə hakəs ıştə həvaye-nəfsi dumoe.həlbəttə,haruj ziyod bıə fəsod iyən işkilon çın həddı-marzış nıbə ozodətiyonku bə əməl omeydə və ın ko boyis bıə bəşər haruj vey dinon bə pokdovnəti ayid bıə mesajon əhəmiyyətin bıey dərəseydən.

Hicob rioyət bıə camiyədə təbiiye dıqlə jimoni həmro bə iyande ayid bedən və ıştə miyono səmimonə rabitəon ibroz kardedən.əvon cəmyətədə ıştə rəftoriku mığət bedən və bə iştimayi  əxloği zidd hərəkəton bə vırə rosneydənin.de ın prosesi camiyə muhit çı harcurnə cinsi cəzb iyən hərəkatonku pok və təmize.

De ın ko rabitədə Nuri mıborəkə surə 32-ə ayədə  bo jıqo cinsi nopokətiyon vəy qəteyro bə izdivac iyən vəyə kardey mevzu işorə kardedə ki,ım bo camiyə muhiti solim kardeyro iyən əy çı əxloği fəsodonku oqteyro vey foydənine.cinsi ehtiyoc qıləy ğərizə ki,Xıdovəndi əvış bo bəşəri nəsli dəvomiro çı insonon fırət iyən daxilədə ğərolış doə və əvış bo insoni ıştə cinsi tələbon rozi kardero izdivacış təyin kardəşe.əve çı xıyzononku tələb kardedə ki,bo jimoni həmroon nıbə kəson vəyəkənən və çəvon beçiz iyən dasti təyli bıeyku norohət məbənən ki,Xıdovənde-Aləm deştə fəzli be ehtiypc bəkarde.

Xıdovənd çı osmonon iyən zəmini nure(çoe).çəy nuri misol bənə çəy dılədə ço bıə çodoniye. həmonə ço qıləy şişə dılədəy və həmonə şişə(ğəndil) bənə vavriski doə astovəy.ım ço nə şərğədə və nə ğərbədə bıə qıləy bərəkətinə zeytuni do ruyəniku voşney bedə. (çəy ruən anədə sof iyən şəffofe) bəy otəş nıqıniye əv jıqo bızın ruşnə doydə.qıləy nur ki,co qıləy nurisəy. Xıdovənd hakəsi bıpyişe bəştə nuri tərəf hidoyət bəkay və Xıdovənd bo məxloği misolon jeydə iyən(əv) bə harçi ğadire.35...

Nur qıləy çiye ki,həm ıştən ruşine və həmən bə co əşyon ruşinəti boyis bedə.islomi mədəniyyətədə Kərimə-Ğıon,elm,ağl,imon,hidoyət,peyğombər iyən imomon de nuri nomi ğeyd bıən.nur maddi dınyoədə mevcudatonədə vey lətif iyən vey zərifə çiye ki,çı qırd lutf iyən reçinətiyon sərçeşməy.

Nur maddi dınyoədə veyə surətış heste və bın dınyoədə mıxtəlifə mevcudaton mışohidə iyən cismon təbyin kardey vositəy.nur nıbə holədə hiççi vindey nibəbe.həşi nur ki,zəmini ətroəfi muhitədə vey muhimmə nure və bə vılon iyən beməyon perəsey boyis bıeyku əlovə,bə zəmini dimisə bıə coninə məxloğon ıştə jimoni dəvom doey həm boyis bedə və çımon baği mandey rəmze.həşi nur nıbə holədə jimoni hiç qıləy mənoş  nibəbe.