İron,çıl sor inğılobi səbarzəti bəpeştə-1

İron,çıl sor inğılobi səbarzəti bəpeştə-1

İron İslom Respublika Yolə Rəhbər  həzrət ayətullah Xameneyi 1397-ə Həşi sori sıftənə ruji İmom Rıza(ə)-i hərəmədə ziyodə insonon mığobilədə de qıləy muhimmə bəyonati  region hodisəon həxədə həmçinin İron İslom Respublika səbarzəti çıl sor bəpeştə çı ironi milləti siyosi barzəti və siyosi-ixtisodi zumandəti indeksonış bəyon karde.ə həzrəti bın dəvardə çıl sori bə inğılobi ğoyməti və səbarzəti və çı Amerkə bo məntəğə bıə yavə planon bə puç beşey koonış işorəş karde və hamyeşone ki,İron intitituti mutəxəssiə kadron cəhəto və dıjdə enerji resurson cəhəto(nat-ğaz) və istehsoli kreativətiyədə zumandə zəminəonış heste ki,de bə zərfiyyəton peştıpur bıə holədə ijən de surəti və dəvəşə səbarəztiyon bəştə ozavziye ro dəvom bədoe.Yolə Rəhbəri işorə kardə bəyonatədə muhimmə indeksonku qıləyni de demokratiyə iyən siyosi mıstəğiləti bə nizomsoxtə mevzuon təkide ki,bın bərnomədə cəhd bəkardemon İron İslom Respublikə nizomi ğoyməti iyən siyosi inkişofədə bıə ın indeksi əhəmiyyət iyən mıxtəlifə cəhəton təhğığkəmon.

İron İslom Respublikə soxtemon çı sıftəku bə demokratik nizom soxtey parametron əsos de referendumi dəvordıney bə əməl ome və çəy bəpeştə həm bın dəvardə çıl sori de çandə qılə səçınon dəvordıney və de çı mıxtəlifə zovğon  soyb bıə devləton bə hakimiyyət ome,nışonış doə ki,İron İslom Respublikə  sistemədə meyar çı milləti sədo və raye.

Ozavziye iyən siyosi inkişof min cumlə bəhsonkuye ki,oxonə çand da soronədə ziyodə təhğığon dığğətış nığılə şikilədə bəştə tərəf cəlbış kardə və çı sosyal iyən siyosi elmon alimon ideloji dığğəti mərkəzədə ğərolış qətə. In bəhs məxsusən bo seminə dınyo kişvəron ideloji və zehni elitaon prioritete və ziyodə məxsusə əhəmiyyət kəsb kardedə.çıro ki,ın kateqoriyə məmləkətonədə ozavziye proses iyən bə inkişofi nırəse presudura çə camiyə əsliyə problemi təşkil doydə və mevcud bıə qırd siyosi,iştimayi iyən ixtisodi hodisəon  çı bıpyo və çı nıpyo bəştə təsiri ji dənoydə.

Siysoi inkişof, bə tarifi əsos milli ozavziye mırəkkəbə prosesiku ibaxşe ki,dıqlə cəhəto yəni siyosi iştirok inkişof iyən siysoi rəğobəti ozavziyeədə təcəlli pəydu kardedə.

Inkişof kardə devlətonədə dəvardə sa sori hodisəonədə de “siysoi inkişofi” nomi  iqlə vahidə proses  mevcud bıə.sisyosi ozavziye bın mıddətədə məzmuni cəhəto mıxtəlif cur təbir bıə.məsələn,Lusiyan pay çın seqlə mehvər və mevzu barədə çı siyosi inkişofi barədə bıə ıştə tərifış jıqo bəyonış kardə:se cəhət və tərəfış bıə qıləy fenomene.1-mısovat və siyosi iştirok.2-camiyə iyən ixtisodədə bo stabiləti iyən oroməti icod kardero  siyosi sitemi zərfiyyət.3-idori strukturon iyən çəvon funksiyaon co iyən ixtisosin kardey.