Osmoniyə surəon-93
Osmoniyə surəon-93
Bın ayədə Xıdovənd bə nuri təşbih bıə.Kərimə-Ğıron bo Xıdo pokə zoti çın dınyo de hissi orqanon ğəbul kardə bıə təşbih iyən təmsilonış vıjniyə və çı nuri kəlməku okoş doə.həmonə Xıdo ki,qırd hestemoni aləmış bə əməl vardə və bın aləmi ruşnəti baxş kardedə və hestemoni aləm bəçəy nuri əsos dəvom pəydu kardedə.qırd məxloğat deçəy irodə bəyjin və həmmə coninə məxloğ çı Xıdovəndi hevujə sufrəku bəhrə bardedən ki,ehanə əv iləzə ıştə lutfi çəvonku bıbırno,qırd aləm zılmət iyən ni bıey fəno ğərğ bəbe.
İlahi hidoyət bə qıly nuraniyə ço bə har qıləy kə ki,nur baxşko,çə kə əhali çı toykiyəti iyən zılmətiku ozod bəbe.qıləy ço ki,dayima ruşnəti və nurış heste və hiçvaxti bə hamuş bıey tərəf meylış ni.ilahi hidoyət ki,de peyğombəron vositə bə bəşəri rəsə və imoni əhli əvış ğəbul kardə.ım nur hejo bəvon dətevedə və bəvon nur baxşedə iyən əvoni çı zılmətikui bə ruşnəti tərəf bardedə.
Har qıləy mevcudat ki,de har vositə de Xıdo rabitəş bıbu,həmonə mığdorədə çəyku nuraniyyət iyən ruşnəti kəsb bəkarde.muminon deçəvon pərvərdıqori tərəfiku bıə nuri vositə sərostə ro pəydu kardedən ki,deçəy təsiri çəvon dılon iyən çəşon əvəz iyən ruşin bedə.mumin de Xıdo nuri vositə həxə roy pəydu kardedə və hərəbaxtəti rəseydə.
(Hidoyəti ım nur)bə kəonədəy ki,Xıdovəndi bəçəvon bılınd bıey iyən çəy nomi əyo zikr bıey iznış doə və əyo sıbo-şəv bəy təsbih voteydən(əy pok zıneydən). Əmerdon ki,hiç qıləy ticorət iyən muamilə əvoni çı Xıdovəndi nomi zikr kardey,nımoji bərpo kardey iyən zəkoti pərdaxt kardeyku ğofil nibəkay.(36-37...)
Hidoyəti çırağ iyən ço bə kəonədə ruşine ki,çə kə sakinon nımoj iyən Xıdo zikri əhl bıbon. ə kəon ki,Xıdo əvonış bəsə coqlə kəonsə bəpeş qətə və çı muminon palu bıə məğam rəfii iyən bılınde.Kəbə Kə,məçiton iyən dimi məkanon zəmini dimisə jıqo qıləy əhəmiyyətışon heste.ın kəon Xıdo zikri mərkəzin və əvoni ə merdon nıəğo doydən oqəteydən ki,əvon sıbhoşam və bəşəv-bəruj əyo de Xıdo zikr iyən təsbihi məşğulin və çı dınyo odəmi bə dast dənoə cazibə əvoni çı həxıku ğafil kardedəni.ın kəon deştə ın xısusiyyəton çı hidoyət iyən imoni sərçeşmən.
