Osmoniyə surəon-95

Osmoniyə surəon-95

Mıborəke ə Xıdo ki,ehanə irodəkəy,çəvon təvəğğışon bıə çisə veyçoki botı ğərol bədoe.boğon ki,çəy doon jiku ruon cari bəbe iyən botı ğəsron ğərol bədoe.10

Xıdovənd Furğani mıborəkə surə çandə qılə ayəonədə bəştə pəyğombəri(s) dılvandi doydə və bo ə həzrəti çı navkonə pəyğombəron sərquzəştiku sıxan votedə.əvon həm deştə ğovmi mıxolifəti dim bə dim omən və ıştə ro qin kardə milləti ziyodə dastəon ilahi rəsulonışon təkzib kardeşone.əmmo de pəyğombəri(s) dəvəti mıxolifət kardə kəson bə ın dəlili xoto,bə vey saxt iyən şiddətinə bəloon giriftor bin.Kərimə-Ğıron çəvon macəra bo vavunə vardə iyən inodkorə kofiron de ibrəti nomi zikr kardedə.

Pəyğombər(s)-i zəmonədə mışrikon miyonədə  Uğbə ibn Əbi Muit iyən Əbiy ibn Xələf nomo dıqlə dust hestebe.ha zəmon ki,Uğbə  səfəku omeydəbe,qıləy mehmonəti tətrib doydəbe     və ıştə ğovmi əşrafon bo xorək hardero dəvət kardedəbe.əv deməkə ki,mısılmon nıbe,əmmo dılış hestebe bə pəyğombəri(s) huzur bırəso və de əhəzrəti vindemonko.i ruj Uğbə səfəku oqarde və bə adəti əsos ıştə dustonış bəştə kə dəvətış karde.əv, həmçinin peyğombərış həm ğəbulış karde. Çoko ki,sufrəşon oj karde və xorək hozzı be,pəyğombəri(s) hamyeşe:çanədə ki,tı bə xıdo vəhdaniyyət iyən iyəti iyən bəçımı risoləti şəhodət nıdoş,az ıştı sufrəku hiççi nibəhardem.bın zəmon Uğbə şəhodəteynış bəştə zıvon vardeşe və islomış ğəbul karde.

Çoko ki,çı Uğbə dust Əbiy ın xəbəş məse,de şiddəti əvış mızəmmətış karde və voteşe:ha Uğbə ha! tı ıştə din iyən ayiniku mınhərif bıəş? əy voteşe:ne,mı mınhərif bıənim.lakin qıləy merd çımı sufərku hardış nıpiye və az həəm məcbur mandim şəhodəteynım vote.az xəcolətım kəşe ki, Məhəmməd(s) çımı sufrəku nıho və çı sufrəku bəhışto bə sapo.əve mı  şəhodəteynım bəştə zıvon vardeme. Əbiy  voteşe:mı çanədə ki,çəy mığobilədə mandəniş və əy saxtə şikilədə əy təhğır nıkoş,az hiçvaxti ıştıku rozi nibəmandem.Uğbə həm bəştə dusti sıxanon pemande jıqoş karde  və mırtəd be.oxoyədə həm Uğbə Bədri canqədə çı kofiron cəərqədə kıştey be və çəy dust  Əbiy həm Uhudi canqədə kıştey be.

De ən ko əloğədor çın surə 27-29-ə ayəon nozil be və bəştə dusti xoto mınhərif bıə kəsi tale barədə şərh doydə.ın ayəon çı zolımon ıştə dəvardə koonku  fovğəladə surətədə həsrət hardey bə təsvir kəşedə və hamyedə:

Və qıləy ruj ki,sıtəmkor(mışrik) ıştə dıqlə dasti(de həsrəti) bəştə dandon bəqəte(qıç bəje)bəvote:ey kaş az de pəyğombəri bə ico bıəbim.vay bıbu bəmı!kaş mı de fılonkəsi dust bıənibim.bərosti həx Xıdo tərəfiku bomı omey bədiqə,əy mınış çı royku bekardeşe və şəyton umudi faxti insoni(coyli)vadoydə.27-29

Rosti ,həmonə ruj həsrəti ruje.çıro ki,xətokorə fərdon ıştəni   çı qıləy əbədiyə jimoni mığobilədə vey bevəcə şərayitədə vindedən.qıləy holədə ki,kardey əzınin  de səbr iyən deştə nəfsi mıborizə bardey əy bə de iftixori pur bıə iyən səodətbaxş kardə jimoni təbdilkon.zılmkorə zolımon de ziyodə təəssıfi bəvoteyn:vay bıbu bəmı! Kaş mı ıştə ro qin kardə filon kəsım boştə dust vıjniyəm nıbe.zira oğoəti iyən nuri imon bəçımı soyəx oməbe ta mı çı hərəbaxtəti ro pəydukom,əmmo ın nodonə dust mınış bə zəlolətış eğande və bə bədbəxtəti girdabış şodoe.

Beşək,dust iyən deşmıni çı qıləy şəxsiyyəti bə formə dəşeyədə muhimmə rolış heste.boçi ki,inson çı bıpyişe ya nıpyişe ıştə əfkor iyən əxloği ibaxşi ıştə duston iyən muaşirət kardə kəsonku peqəteydə.

In ayəon iyən çəvon şə`ni-nuzul çok-çoki nışon doydə ki,inson çokonə mumkine de tobə xoşbəxtəti marzi bışo,əmmo de qıləy yavə dusti şəytoniyə vəsvəson vositə çəyku bə dumo bımando və çəy tale jıqo bedə ki, əv ğıyoməti ruji bəştə har dıqlə dasti qıç jıə holədə həsrət bəharde.

İmom Cavd(ə)-i qıləy hədisədə handedəmon:”de yavə fərdon dustiyətiku pərhizkənən ki,əv bənə uryonə(tijə) şımşiye.çəy zohir reçin və çəy təsiron vey yavə”.