İron,çıl sor inğılobi səbarzəti bəpeştə-2
İron,çıl sor inğılobi səbarzəti bəpeştə-2
Iron Islom İnğılobi Yolə Rəhbər ozodi,çı istiğlal,milli bəştə bovəti,demokratiyə uyən ədoləti kəno çı inğılobi usul və erjonku hisob kardedə. ə həzrət bə xariciyon tərəfiku beinosfonə təbliğaton nəzə işorə kardə holədə hamyeşone:”ımruj çəmə kişvərədə fiki ozodəti heste,sıxani ozodəti heste.vıjnemoni ozodəti heste.hiçkəs bəştə mıxolifə fik iyən nəzə əsos,bəvon təzyiğ , təhdid bedəni iyən əvon təğib bedənin.
Isət çın silsiləvari votemoni dəvomədə bə İron İslom İnğılobi səbarzəti çıl sori bəpeştə İronədə siyosi ozazviye indeksi işorə bəkardemon.
Çoko ki,İnğılobi Yolə Rəhbər zikrışon karde,bo ozodətiro həmməysə əsliyə çərçivə əsosə ğanun iyən konstitusiyəy.
Əsosə Ğanun bə leqal ozodətiyon iyən həxon nayil bıey tərəf ruşinə roş mıəyyənış kardə.
Beynəlxalğə həxon məsələonədə ekspert Ğulamrıza Mədəni bın barədə votedə:ruşinə fundamental həxon çı hukuməti bə hakimiyyət və çı şəhrvandon koon idorə forməd bıə nəzə de həxon ğaydəon icro bə icoye.ın ğaydəon de dıqlə huğuği muhimmə nəzə dimbədime.şəhrvandəti həxon və devləti hakimiyyəti həxon.əmmo fundamental həxon hınə bımədəy ki,çın dılqə nəzə miyono qıləy rasional və məntığiyə taraz mevcude”.
Bə ın nəzə əsos,har qıləy camiyədə əsosə həxon bəhson həmməysə umdə qıləyni fərdon həxon iyən çı hakimiyyəti ğudrəti məhdudiyyəti təyin kardeye ki,bəy “fundamental həxon və ozodətiyon” ya ”fərdon və hukuməti vəzifə və həxon” votedən.bın dıqlə mıxtəlifə məktəbon miyono çı fərd iyən icma əsl nəzə bənə dıqlə əsosə mevzu nomi çı ğanun noə kəson tərəfiku ğəbul kardə bıə və əksər kişvəron de ın ko əloğədor bıə mətn və tekston ğəbul kardey bıə . “Ozodi Ğanunon Ruf” mıəllif Monteskiyo de “ğanuni icozə doə har ko bə vırə rosney”təbir bıə.
1789-ə miladi sori Fransə bəşəri həxon elaniyyə bekardışe ki,ozodiş “bə cokəson ziyon nırosney şərti koon bə vıə rosney ğudrət” mənoədə zıneşone.
Kali cokəson ozodi tarifədə votəşone ki,ozodi çı qıləy fərdi co zılmkorə şəxsi irodəku əmonə mandey və ya ozodi qıləy mevğıyyəti noeye ki,çı camiyə iyən fərdon bə qıləy şəxsi məcburiyyəti bə mumkin bıə minimal həddi kam kardeye”.və bəziyon həm ozodəti ğanun noə və icroiyyə ğıvvə fuksiya nəzorət kardə uzvon vıjnemonədə çı milləti iştirok zıneydən ki,əy həm de “siyosi ozodəti” nomi təbir kardedə.
Ğərbi fəlsəfə tarıxi məktəbi soyb bıə oxonə filosof Hegeli etığodış hestebe ki,ozodi çı həyoti cohəre.
