Rəhbəriyyəti nəzə
Rəhbəriyyəti nəzə
Həzrət ayətullah Xameneyi :Amerkəvıjon bənə de sərvəti iyən imkonati soyb və qıləy həssosə stratejikə coğrafi meğıyyətış bıə islomi respublikə mıxolifəti səbəb,kulliyə formədə mısəllət bıeye.inğılob iyən islom respublikə ome və çəvon dastınışon kırt karde.ımon dılışon heste inğılob iyən islom respublikə məhfkon və bəçəy xoto piyedəşone sultə pəydukon.çoko ki,de təssəıfi bə məntəğə coqlə məmləkəton mısəllətin.
Mellimon de vəomə nəsli tərbiyə doə kəson nomi,hejo camiyədə qıləy muhim iyən təsirəkə rolışon bıə. bə həmonə dəlili xoto,ironədə Ordubeheştə manqi donzə(mayə manqi dı)ki,de yolə mutəfəkkir iyən mıcohid bıə ayətulla şəhid Mutəhhəri şəhodəti ruji əloğədor bə ın ruji mellimi ruji nomışon noə və bın ruji bə ın zəhmətkeşə qrupi ğədrdonəti kardedən.ha sor mellimi məğami əziz qətey haftədə İron İslom Respublikə Yolə Rəhbər həm de həmonə mellimon ziyodə şəxson vindemon kardero bə Pedaqoji Universtet şedə və dıqlə siyosi iyən mədəni baxşədə muhimmə sıxan ehandedə.
İnğılobi Yolə Rəhbər ıştə sıxanon iminə baxşədə bə İmom Xomeyni(r) ın sıxan ki,hamyəşbe :“ melliməti çı ənbiya iyən pəyğombəron ko və məşğələy” –işorəşon karde və hamyeşone:”şımə qıləy royədə hərəkət kardedon ki,çı bəşəri tarıxi həmməysə çokə qıləyon həmonə ro şıən və əvon de ın məğsədi məbus bıən. yəni pəyğombəron”.
Ə həzrəti bo kişvəri ozazviye iyən səodəti koyədə bə təlim-tərbiyə bemislə roli təkid kardə holədə ımışon tələb karde ki,məsul şəxson iyən kişvəri mıxtəlifə onemonon bo mellimi barzə roli bə milləti rosnero səykon.
Həzrət Ayətulla Xameneyi bə hırdənon iyən nevcıvonon ibtidayi təhsiliro bə məktəb şıə iyən boştə və bo camiyə tərəğği iyən inkişofiro bıə devroni qıləy məxsusə dığğətışon karde və hamyeşone: ....təlim-tərbiyə qıləy fırsətış ixtiyorədə heste ki,co hiç qıləy mıəssisə ım fırsətışon ni.ım fırsət həm çımiku iborəte ki,ə donzə sor ki,çəmə hırdənon,çəmə nevcıvınon ibtidayi iyən miyonə məktəbonədə əvoni dəvardedən,çı təlim-tərbiyə mərkəzi ixtiyorədəy.ın fırsət boçəmə milli və inğılobi hədəfon iyən erjon dırıst iyən har tərəfinə formədə ovoştıneyro vey çokə fırsəte.ın fırsət çəmə hırdənon iyən vəomədə merdon iyən jenon milli şəxsiyyət və kiyəti bə formə dənero qıləy bemsilə fırsəte.ım çı təlim-tərbiyə mərkəzi ixtiyorədəy.
Peşo İnğılobi Yolə Rəhbəri bə qıləy mellimi şoqirdi vucudədə icod kardə iyən perosnə kali xısusiyyəton işorə kardeşone və hamyeşone:”şoqirdon məktəbədə deşmə mellimon vositə tərbiyə bedən.bəbe qıly məsuliyyət ğəbul kardə hiss mevcud bıbu.bəbe de ozod fik kardə ruhiyyə tərbiyət bıbon.əvon bəbe rostəvıj tərbiyə bıbon.mənəvi əzəmətışon bıbu.şucoətin,fədokor,pokdovnə,pərhizkor.bəbe de ın xısusiyyəton tərbiyə bıbon. Çəvon vindey ufuğ iyən səviyyə ıme”.əmmo ə həzrət bın miyono bə şoqirdonədə milli şəxsiyyəti icod kardey məsələ məxsusə təkidışon karde və çəy dəlilışon jıqo izoh doe: ”çəmə şoqirdon bəbe de milli şəxsiyyəti hissi perəson və tərbiyə pəydukon və dıjd bıbon və bəvə bışon. qıləy vaxt ki,cıvon ıştə şəxsiyyəti hissko,çı inhirof iyən xəyonətiku,sıstəti iyən kıvolətiku pərhiz bəkarde.qahi vaxt ki,ın umdə işkilon bəvə beşedə bəçəy xotoye ki,əvon həyğiyə milli hoviyyət iyən şəxsiyyəti,milli şəxsiyyəti hiss qıləy insonədə mevcud ni.şəxsiyyəti hiss nıbə vaxti,cokəson əvoni bə ın tərəf -ə tərəf şıkırnedə”.
Hırdən iyən nevcıvonədə bo milli şəxsiyyəti bə əməl vardero,çandə qılə barzə ulqu mevcudiyyəti ziyodə təsiriış heste.İslomi İnğılobi Yolə Rəhbər çı inğılobi çandə qılə barzə şəhidonış bo şoqirdon ulqu elonış karde və çəvon nomonışon zikr karde ki,əvon bo milləti izzət iyən səbazrətiro çı deşmınon mığobilədə mandin və bə şəhodət rəsin.
