Osmoniyə surəon-97
Osmoniyə surəon-97
Dıqlə dıyo bəyənde dəçoknəkəs ə Xıdoe.qıləyni şin və peşoməni iyən coqıləyni nemekin iyən tel.və çımon miyono maneə ğərolış doə ki,hejo çı iyəndeyku co bıbon.(53)
In ayə çı pərvərdıqore-aləmi xılğəti dınyoədə ğudrəti heyrətamizə məzhəron tərsim kardedə ki,çokonə qıləy bəçəş nıçiyə divo çı dıyo şin iyən telə ovon miyono ğərolış doə və icozə doydəni əvon bə iyande bıqınon.həlbəttə,ımruj ruşin bıə ki, həmonə bəçəş nıçiyə divo çı şin iyən telə ovi ğəlizəti dərəcə tafute və çoko bəvoteyn çəvon məxsusə vəzni tafute ki.boyis bedə ta əvon qıləy dırozə mıddətədə bə iyande umuj nıqınon.
Qırd əmə zınedəmon ki,dıjdə ruon ziyodə həcmədə şinə ovon bə bə dıyoon ekardedən.de dıyo kəşey ovi səviyyə bəpe omeydə və de ruon vositə bə dıyoon rubə şinə ovon bə dumo tojnedə.nəticədə şinə ovon bə telə ovon umuj nıqıniyə holədə həmonə ruon iyən çəvon ətrofi qəvədə bə hışki tərəf şedən.demiyən sahili kəno çı şinə oviku qıləy dıyo təşkil doydə və de tobə qıləy mıddəti ın vəzyət dəvom doydə.ım şinə ovon de telə ovon ğəlizəti dərəcə tafuti xoto,de əvon umuj qıniyedəni.
In şinə ovon bo sahil iyən japə kəno jimon kardə kəson vey foydənine.əvon de sahilon kənoyədə cuon iyən kanalon icod kardey,şinə ovon ıştə ixtiyorədə ğərol doydən. de ovi pekıriye iyən rost bıey bə vucud omə və ıştədə şinə ovon ehtivo kardə ın kanalon bo kaştemoni zəminəon iyən boğon ovdoştero qıləy muhimmə rol ifo kardedə.
Co tərəfiku dınyo okeyanon həmmədə dıjdə ruon hərkətədən.ın dıyo ruon deştə ətrofədə bıə ruon kam umuj qıniyedə və çandə həzop kilometr ro de həmonə formə dəvom doydə.çımonku vey zumandə qılə Qulf Strim cərəyone.ın dıjdə ruon çı mərkəzi Amerkə japəonku hərəkət kardedə və Atlantik okeyaniku dəvardedə və Şimali Avropə sahilon tərəf rosnedə.
In ovon ki,bə Ekvator xətti məntəğəon nezi hərəkət kardedən,çəvon ovon qamin və hətto çəvon ovon ranqon deçəvon ətrofədə bıə ovon ranqon tafutış heste.ha holədə çı dıyoon şin iyən telə ovon iyən çəvon miyono bəçəvon umuj qıniye mane bıə bəçəş nıçiyə divoon çı Xıdovəndi ğudrəti nışonəonkuye.
Furğani mıborəkə surə 63-ə ayəku de tobə 76-ə ayə çı "İbadurrəhman" yəni Xıdovəndi xolis iyən çokə bandəon, çəvon nışonəon iyən xısusiyyəton barədəy.joqo ki,hamyedə:
"Və Rəhmonə Xıdo bandəon əvonin ki,zəmini dimisə de təvozukorəti(orom) ro poyedən və hafaxti nodonon bəvon sıxan bığandon,(əvon)de namə formə cəvob doydən".(63)
