Osmoniyə sədo-1

Osmoniyə sədo-1

Rujə manqi dəme  yəni ibodət,bandəçəti,mənəviyyət  iyən ıştə sape ko kardey manqe.Rəməzonə manqi barzə xısusiyyətonku qıləyni osmoniyə kitob bıə Ğıroni  bın mıborəkə maqnqədə bə pəyğombər (s)-i pok iyən nuraniyə sinə nozil bıeye. Kərimə-Ğıron fəğət qıləy osmoniyə mığəddəsə kitob ni,bəlkəm bə odəmi mənəviyyat baxş kardə qıləy kitobe.qıləy kitob ki,əmə kardey bəzınemon ıştə jimoni qırd maddi iyən mənəvi  etığodi xətton,bəçəy əsos mıəyyənkəmon.jıqo tale təyin kardə hərəkəti real kardey şərt, çı Kərimə-Ğıroni mesaj və çəşnaviyon zıneye.Ğıron bın cəhətədə bə çandə ğısm insonon xitob iyən mırociət kardedə.qıləy zəmon de”ya əyyuhənnas “ təbiri bə qırd insonon xitob kardedə.qahi vaxti de”ya əhləl kitob”(ha ktobi soybon) təbiri  bə yəhudi iyən məsihiyon ovard kardedə.əmmo Kərimə-Ğıroni xitob kardə əsliyə şəxson əvonin ki,bə Xıdo iyən bəçəy pəyğombəri imon vardəşone və “ya əyyuhəll…ha  imon vardə..  təbiri bəvon xitob kardedə.həmonə kəson ki,Kərimə-Ğıron çəvon həxədə voteydə: ”kuntum…..(Şımə vey çokə  ummətiyon ki, bo məxloği zohir bıəyon.bə çokətiyon əmr kardedon və bevəciyonku nəhy kardedon iyən bə xıdo imonon heste.və ehanə əhle-kitob imon vardəşon be şubhə niki, bəvono vey çok əbi.çəvono kali muminin əmmo veynişon fasiğin.)

Bə ın ayə əsos imon vardə kəson bəbe qırd zəminəonədə məxsusən bə çokə çiyon əməl karde və bə ilahi iyən insoni pokətiyon və erjon əməl kardeye.və bəbe mumin  sıxan iyən əməli  cəhəto bə erjon zid bıə koonku bə diyəro bımando.Kərimə-Ğıron coqlə vırəonədə bə ın məsuliyyət ofəyə muhimmə xısləton işorə kardedə və hamyedə:

“Və jələvoni əmə şıməmon qılı miyonə ummət ğərolımon doe ta bə məxloği şohid bıbən iyən peyğombər bəşmə şohid bıbu”.(143).

Çın dıqlə ayəku çok-çoki dərəse bedə ki,çı muminon duşədə qıləy qonə məsuliyyət heste.