Osmoniyə sədo-3

Osmoniyə sədo-3

De tohidiyə bovə əsliyə şuari yəni de” la ilahə illallah” kardey bəzınemon bıvotəmon ki,bə i bıə Xıdo etığod dıqlə inkori iyən təsıdği cəhətış heste.yəni sıftədə bəbe  bənə şeytonpərəstəti, pulpərəstəti, şəhvətpərəstəti, iyən ğudrətpərsətəti bıə qırd bə tohidi zidd bıə məzhər və simvolon inkor bıbu və peşo bə ibıə Xıdo xolisonə və aqahonə formadədə bıə etığod isbot kardey bıbu.qıləy etığod ki,bənə zərtuştiyon “dulaizm”,məsihiyon “təslis”iyən yəhudiyon şırkamziə əndişəon bıə  harcurnə de şırki umuj qıniyə iyən bə əslə islomi tohidi zidd bıə bovəonku bə diyəroye.

Mumkine ım sıvol zehnədə icod bıbu ki,çıro Kərimə-Ğıron  bə ibıə Xıdo etığodi anədə təkid kardedə? Ğıron hamyedə:

“Hejo bə ədoləti bərpokardey təkidış bıə xıdo şəhodət doydə ki,ğərəz əv co məbud ni iyən fereştəon və elm soybon  (həmbəçəyibeyşəhodətdoydən)ğərəz zumand iyən həkim bıə Xıdo co məbud ni”. ali-imran-18.

Bə ın sıvoli jıoq cəvob doey bəbe ki,bə vahidə Xıdo etığod boyis bedə ki,inson  du iyən pesoxtə bıə məbudonku ozod bedə və fəğət  bə ibıə pərvərdıqori tərəf dim qətedə.inson bəbe hiçvaxti  bə zılləti təslim nıbu və de bə ilahi ğudrəti təkyə kardey ıştə fiki iyən əməli mıstəğiləti oqəteydə.çımisə əlovə əv bəbe fəğət ilahi mıstəğimə royədə hərəkətko və iqlə hədəfi dumo bışo.həmçinin inhirofə roonku, sərqərdonətiku iyən şəkkonku nicot pəyduko.bəbe əv qıləy vahidə hoviyyət  iyən şəxsiyyət pəyduko və ın vəhdət icod kardə nido bəştə zıvon biyəy ki,hamyedə:”həyğətən,çımı nımoj,ibodiyə əməlon(çımı bandəçəti)  və çımı jimon iyən mardey fəğət bo aləmon pərvərdıqoriye”.

Bə tohidi mənəvi fəzo iyən ğoymə ğalə varid bıey və bə jimoni qırd dıjdə etat-petaton ilahi ranq iyən bu baxşk kardero bəbe sıftədə ıştəku binokəmon.çoko ki,peyğombəron iyən bə Xıdovəndi dərqo nez bıə ovliyaon camaati bə Xıdo dini tərəf dəvəti bənav,sıftədə bın ərsədə ıştəku binoko və peşo ıştə əsri millətiku tələbışon karde ki,çı bıtpərəstəti iyən həvaye-nəfsiku dast bıkəşon və fəğət  bo vahidə Xıdo bandəçətikon və fəğət çəy pənohədə bə oroməti sahili rəseydə.bə həmonə dəlili əsos Kərimə-Ğıron hamyedə”: Ha imon vardəkəsona!bəşmə ıştə coni hifz karde vacibe.çun şımə hidoyət biyon ro dəqıjniyəkəson bəşmə hiç qıləy ziyon rosney nibəzneyn.qırd şımə oqardemon bə xıdo tərəfe.və əv şıməni şımə əncommdoə koyonku aqah bəkay”.maidə (105).

Beşək insoni ıştə sape sape ko karde,vey saxt iyən çətinə koye və ziyodə məşğ,səbr iyən istiğaməti ehtiyociş heste.qlamurnə maddi ruziyonku dast kəşe iyən deştə nəhsani tələbon mıborizə bardey,de şırki umuj qıniyə ğudrəti canq kardey,bə əzob-əziyyəton iyən təhdidon tov vardey və bo tohidiyə soxtemoni bərpo kardero şəhid bıey,səbr iyən mığovimət nışon nıdo holədə ğeyri mumkine.

Bə Xıdo roy tərəf iyən bə tohidi erjon və bovəon səmt hərəkəti zəmonədə  dəvarədə saxtə roonku qıləyni, bə zəmone ki,inson  dıqlə roy sədə mandə və çəyku qıləyni vıjniyəniye.itərəfo  əslə dini etığodon miyonədəy və co tərfiku həm  de Xıdo canq kardə nezə odəmon  dıl dəbastey roy mevcude.bə Xıdo bovəş bıə inson bəbe boştə tohidiyə əndişə oqəteyro bəbe deştə nezə odəmon qırd rabitəon bıbırno və ehanə bə qıləy mərhələ bırəso ki,zəruri bıbu,ıştə deəvon qırd rabitəon bıbırno.Kərimə-Ğıron bın barədə hamyedə:

“Ha imon vardəkəson ha!ehanə şımə pıəon iyən fərzəndon kufri bəsə imonisə bəpe bıqəton,çəvon dustəti(viloyəti) ğəbul məkənən və hakəs şıməku çəvon dustəti iyən viloyəti ğəbulkəy,əvon həmonə sıtəmkoronin.”(tobə 23)