Osmoniyə sədo-4

Osmoniyə sədo-4

Kərimə-Ğıron muminoku tələb kardedə ki,ıştəni  islohkon və bə islomi tərəfi dəvəti koyədə bo cokəson ulqu iyən nımunə bıbon. Joqo ki,Təhrimi  mıborəkə surə 6-ə ayədə hamyedə:”Ha imon vardə kəson ha! ıştəni iyən ıştə xıyzoni çəy ezım insonon iyən sığon bıə otəşiku hifzkənən,oqətənən”.

Im osmoniyə mesajon çandə qılə əsosinə nuktə ıştədə ehtivo kardedə:əvvəl ıme ki,xıyzoni mərkəzədə çı etığodi əsoson ğoym kardeyədə çı pıə əsosə rolış heste və bə zəmon salehə fərzənd tərbiyə bəkarde ki,əv ıştən bə Ğıroni jimonədə bıə erjon təlimon mailk bıbu.fəğət bın surətədəy ki,kə yol kardey bəzıne boştə xıyzoni tərbiyə kardero çəy ehdədə bıə dıjdə məsuliyyəton bə Ğıroni ğanunon əsos əməlko.coqləyni muhimmə nuktə bın osmoniyə sədoədə odəmi dığğəti cəlb kardedə,ıme ki,Ğıron de “ıştəni oqətənən” fərmoni bə yod dənoydə ki,bəbe təlim-tərbiyə koonədə bə sosyal mərkəzon iyən təlimi mərkəzon çəş xıyə kardey nıbu,BƏLKƏM bəbe tərbiyəvi konstrukltiv hərəkəti sıftədə çı kəy ıştəniku binokəmon.zira solimə xıyzon çı solimə camiyə təşkili koyədə əsosə rolış heste.de qıləy co bəyoni ehanə qıləy məmləkət kardey bızıno xıyzoni ğoym kardeyədə qıləy əsosə hərəkət əncom bıdo,qıləy səbarzə cəmyəti təşkilədə bə dıjdə noliyyəton dast pəydu bəkardeyn.bə həminə dəlili xoto Kərimə-Ğıron bə ıştə sape ko kardey fərmoni bəpeştə,xıyzoni məsələ bə miyon vardedə və hamyedə:”ıştəni iyən ıştə xıyzoni otəşiku oqətənən”.

Bın osmoniyə nido və sədoədə bə nəzə rəsə oxonə nuktə,”bə otəş nıeqiniyero ıştəni iyən ıştə xıyzoni oqətey” təbire.harçənd ki,ayə oxoyədə hamyedə:ım qıləy otəşe ki,hozi iyən ğəddorə mələkon əy nığo doydən”-ım təbiyə nəticə bə dast vardeydə ki,Ğıroni mənzur iyən məğsəd ğıyoməti ruji bıə cəhəndımi otəşe və əkəson ki,bə ıştəni isloh kardey iyən ıştə xıyzoni tərbiyə kardey ko dığğət nıko,bəbe jıqo dardnok iyən sutunə otəşi intizorədə bımando.

Beşək jıqo qıləy sutunə cəhəndım, bə”dınyo,çı axırəti məzə və kaştemoni vırəy” əsos,həmonə bın dınyoədə zıney bedə.həmonə telə həyğət ki,ımruj ısətnə əsrədə çəy şoydimon.statistik məlumaton nışon doydə ki,ıştəni iyən ıştə xıyzoni tərbiyədə səhlənkorəti kardey  dəlil,volo bıə holədə bıə cəmyəton veyniyədə bıə jimoni mərkəzonin və çın camiyəon cıvonə nəsl çı narkomaniya,həvəsbozəti iyən eyş-işrəti sutunə otəşi dılədə tasedə.fəğət ə şəxson bın imtovonədə səbarz bəbe ki,bo ilahi rizoyəti cəlb kardero qıləy ğətiyyətinə ğərol bekon və de bə islom iyən ğıroni əsoson etığodışon nıbə və hətto mıxolifət kardə nezə odəmon bəbe deəvon  hiç qıləy nezə rabitəşon nıbu və deəvon bıə əloğəon bırniye bıbu.Kərimə-Ğıron bın barədə hamyedə:hiç qıləy (həyğiyə imonışon bıə)ğovm iyən dastə  nibəvindeyş ki,bə Xıdo iyən bə axırəti dınyo imonışon bıbu,qıləy holədə ki,de Xıdo iyən deçəy pəyğombəri deşmınəti kardə kəson dustəti kardedə və bəvon məhəbbət nışon doydə.harçənd əvon çəvon pıon iyən zıvonon ya boon iyən çəvon nezə odəmon bıbu.(əkəson ki,jıqo bəştə etığodi təkid kardedə)Xıdo çəvon ğəlbonədə bıə imonış təsbit iyən de ıştə tərəfiku  bıə(ilahi)rufi əvoni himoyə kardedə.əvoni(ğıyoməti ruji) qıləy boğonədə ki, çı çəy doon jiku ruon iyən cuon cari bedə -varid bəkarde və əvon əbədi əyo bəmanden.

Mələkuti iyən mənəvi barzə dərəcəonku qıləyni,bə qıləy məğami rəsedə ki,fəğət ilahi mığərrib iyən məxsusə ovliyaon bəy dast pəydu kardedən ki,bəy”məğame rıza” voteydən.Yolə Xıdo həmınə ayə oxoyədə bə bəhsi işorə kardedə və hamyedə:Xıdo çəvonku roziye və əvon həm çəyku rozin və əvon Xıdo hizb iyən partiyən.aqah bıbən iyən bızınən ki,”Hizbullah” səbarz iyən nicot pəydu kardə kəsonin.(mucadilə-22)......