Osmoniyə sədo-5

Osmoniyə sədo-5

Dəvardə bərnomədə insoni  ıştəni  isloh kardey iyən xıyzoniyə rabitəon  səviyyə oqətey  barədə sıxan votemone və çı imon vardə kəson Kərimə-Ğıron ayəonədə iyən rəvoyətonədə  bəy təkid kardə silsiləvari vəzifəon de tobə qıləy həddi  izoh domone.muminə inson islomi ğəbul kardey bəpeştə,bəbe çəy iminə şodə ğədəm bə təğva tərəf hərəkət kardey bıbu.Kərimə-Ğıronədə təğribən 110 kərə təğva barədə sıxan votey bıə  və çəy dınyəvi iyən uxrəvi  noiliyyəton iyən məsuliyyəton həxədə bəhs bıə.təğva tərifədə ğeydışon kardə ki,əv çı “vəğayə”  yəni oqətey rişəkuye.nəzə soybon qırd ifikədən ki,təğvaninə şəxson de bə ilahi əmron əməl kardey iyən de Yolə Xıdo nəhy kardə çiyon məşğ kardey bə qıləy mərhələ rəseydən ki,bə təğva rioyət kardey çəvon adət bedə.təğvaninə şəxs ıştə nəfsi kontroli bə dast sedə və bəştə həvaye nəfsi iyən bə şəytoniyə vəsvəsoən tabe bedəni  və ıştə şəxsiyyətədə de qıləy .... icod kardey bə ilahi iyən insoni barzə məğamon rəseydə.Əli(ə) ki,çı qırd təğvaninə şəxson rəhbər iyən məzhəre,çı təğva tərifədə hamyedə:”təğva məsəl,bənə bə ro şıə iyən ram bıə mərkəbone ki,çəy nıxtə bəvon suvar bıə kəson dastədəy və həmonə mərkəbon de oroməti ıştə sərnişinon bə vəhışti tərəf bardedə.”(Nəhcul-Bəlağə x 16).coqlə vırədə Əli(ə) joqo hamyedə:”ilahi təğva Xıdo ovliyaon ıştə himoyədə ğərol doydə və əvoni bə ilahi hərim iyən həddon kəno təcavuz kardeyku oqəteydə və Xıdo(əmronku)tarsi çəvon dılon lozıməş ğərol doə”.

Kərimə-Ğıronədə təğva qıləy məxsusə vırəş heste və əv insoni imoni komil kardedə.de qıləy co bəyoni imon çı təğva lozımə iyən şərtonkuye və Ğıroni ziyodə ayəonədə çı imoni bədiqə bilofosilə təğva sıxan bə miyon omeydə.məsələn,Ali-İmrani mıborəkə surə 102-ə ayədə hamyedə:

“Ha imon vardəkəson ha!  bə təğva loyığ bıə holo xıdoku bıtarsan iyən mısılmon bıə holo bımardan”.

Ayə mesaj ıme ki,təğva çokonə jiye iyən çokonə mardey bə imoninə insoni omuteydə.bebərnomə iyən hədəfış nıbə ziyodə insonon  ıştə jimoni dəvodıneydən və nəticədə jimoni etat-petatədə rufi iyən psixoloji cəhəto nəzəku zərəl ğəbul kardedən və əvon rozi bıey təsəvvır kardedəni.əmmo əvon ki,aqah iyən təğvaninə imonışon heste  və məsuliyyət hiss kardedən,boştə jimoniro qıləy proqramışon heste. əvon jıqo jimon kardedən ki,de bə ilahi əmr iyən nəhyon rioyət kardey,roziyəti hissi dəvordıneydən və çəvon jimoni oxo həm joqo bedə ki,ilahi məşiyyəti mığobilədə komilə təslimi hiss kardedən.de təğva iyən imoni vositə inson erhinə noliyyəton bə dast vardedə.

Isnoni çokonə jimon kardey iyən mardey əsosə rolış bıə amilonku qıləyni,bəsirət iyən təyin kardey ğudrəte.təğvaninə inson vey mumkine jəqo həm çı mıtoliyə iyən təhğığaton kitobxonəş nıbu,əmmo əv çı təğva şuadə iyən de nəfsi təhzibi  və ilahi həddon rioyət kardey,çı zəmin iyən osmonon ruşinəkə Xıdo bəy qıləy məxsusə bəsirət iyən ruşinə fikəti baxş kardedə ki,iştimayi,fərhənqi iyən siyosi behrononədə əv həxı çı botıliku mıəyyən kardedə və bə  həvaye-həvəson kəcə royədə iyən zər-zibo,ğudrət,sərvət iyən şəhvəti cazibəon giriftor bedəni.Kərimə-Ğıron ın həyğəti tərsim kardedə və hamyedə:”ha imon vardə kəson ha! ehanə ilahi təğvon bıbu,qıləy məxsusə ruşinəti pəydu bəkardiyon”.

Ha imon vardəkəsona! Ehanə təğva roy bıqəton Xıdovənd boşmə qıləy furğan(həxı çı botıliku co kardə ğıvvə)ğərol bədoe iyən şımə bevəcətiyon bəpuşniye iyən şıməni bəbaxşe və Xıdovənd çı yolə fəzl iyən baxşeşi soybe.Ənfal-29