Osmoniyə sədo-7

Osmoniyə sədo-7

Dəvardə proqramədə çı muminon iyən təğva əhli koy oxoy və çəvon bə vəhışt varid bıey həxədə sehbət kardemone. Kərimə-Ğıroni nəzəku vəhışt Xıdovəndi bo təğvaninə şəxson iyən imoni əhli nəzədə qətə vey qədə mıkofati məzhəre.muminon de ziyodə cəhd iyən təloşi bəbe bə təğva ğullə bırəson və de imon iyən təğva ğullə fəth kardey,bəbe bə ilahi ğurbi nez bıbon.bə həminə dəlili xoto Ğıron vəhışt iyən bəvədə cari bıə ruon tərsim kardey bəpeştə,bə ilahi palu bıə barzə məğami işorə kardedə və hamyedə:”sıdğ(əslə) məğamədə.(hestemoni aləmi)Zumandə Xıdovəndi palu ğərol bəqəteyn”.(Ğəmər-55) coqlə ayədə həm jıqo hamyedə:”

(Bə yod dənə)Ərujiki, əmə pərhizkoronro bə Rəhmonə Xıdo(ziyofəti) tərəf cəm bəkamonMəryəm-85).

Beşək  bə jıqo qıləy məğami rəsey iyən ilahi dərqoyədə huzur pəydu kardeyro,bəbe dınyoədə çı “Təğva” bılındə bina hifz kardey iyən oqətey bıbu və əv ğoym kardey bıbu ta rəftori və sıxanə zərbə bəy zərbə nıjəno.imoninə şəxsi imon iyən təğva zumand kardə amilon muhimmə qılə,çəy bə Xıdo iyən bəçəy pəyğombəri məhz iyən xolisə surətədə itoət kardey iyən pemandeye.bə həminə dəlili xoto,Kərimə-Ğıron hamyedə:”Ha imon vardə kəson ha! bə Xıdo iyən bəçəy pəyğombəri və bə şıməku bıə əmr soybon pemandənən “. Həmonə ayədə bə Xıdo iyən bəçəy pəyğombəri itoət kardey komilə surətədə ruşine və ğeyri-mumkine ki,qıləy zumandə imon iyən təğva soyb  bə Xıdo iyən bəçəy peyğombəri nıpemando. In bo ısətnə əsrədə iyən tarıxi dırozi bə Xıdo iyən bəçəy peyğombəri itoət kardə kəson de duyədə bın iddioədə bıə kəson və bə Xıdo iyən bəçəy əmron xilof beşəkəson iyandeyu co kardə qıləy ruşinə meyare.

“Ulul əmri minkum” ayə barədə  mıfəssıron nəzədə ixtilof heste.şiə təfsirədə çın ayə barizə nımunə və misdoğ Xıdovəndi tərəfiku vıjniyə bıə imomon zıneydən ki,bəvon itoət karey və pemandey bənə bə Xıdo iyən peyğombəri(s) pemandeye.kali qıləyni ayə məno umumi zıneydən və ın nəzədən ki,əkəson ki,Xıdo royədə ğədəm şodeydən və Xıdo iyən çəyu pəyğombəri roy dəvom doydən ,həxı bəyji kardedən və de botıli mıborizə bardedən.əvon ə şəxsonin ki,kufri pərçəmi eğandey iyən islomi səbarz kardey fikədən.ımon həmonə ulul əmr iyən əmr soybonin və bəvon pemandey həm vocibe.

Deımon qırd bə ico hejo çı kali usul iyən furuon brədə nəzə cəhəto ixtilofon mevcude.jıqo qıləy mevğıyyətədə Kərimə-Ğıron çəvon vəzifə mıəyyən kardedə və hamyedə:”çən,havaxti bə ixtilofi dıço biyon bə Xıdo iyən bəçəy pəyğombəri rucu(ovard)kənən “.çun ğeyri-mumkine ki,Xıdo iyən çəy pəyğombər bo vəhdətiro bəmə nışon doeyro hiç qıləy roşon nıbu.