Osmoniyə sədo-11

Osmoniyə sədo-11

Rəməzonə manq çı pərhizkorəti iyən insoni  ıştə nəfsi  pok iyən təhzibi manqe.ehanə Xıdo nıkardo jıqu qıləy rolış nıbu,de İmom Əli(ə)-i təbiri Rujə mo  ğərəz təşyan iyən vəşyanəti  co qıləy nəsibış nibəbe. çən, bəpe cəhdkəmon ibodiyə əməlon iyən rujə qəte şua jiyədə deştə ruf iyən coni pok kardey de Xıdo kəməki bə barzə mənəviyə dərəcəon rəseydə. Ehanə  şımə yodo bıbu,dəvardə bərnomədə  əmə çı “bandəçəti prinsipi” həxədə çandə qılə nuktəon bəşmə xıdmət rosnemone və votemone ki,bandəçəti fəlsəfə ıme ki,Xıdo çəmə pərvərdıqor iyən xalığe.çən,bə həmonə dəlili xoto,fəğət Xıdoye ki,əmənış vey

çok və komilə formədə ofəyəşe və əve əv çəmə pərvərdıqore və əv çəmə kəmol iyən ozavziye imkonatonış hozzı kardə.əmə həm bəpe bəy məxsus  bıə bandəçəti  dərqo dim bıqətəmon.

Zikr kardey lozıme ki,bə Xıdovəndi bandəçəti kardey bəsə coqlə bandəçətiyonsə farğ kardedə.bə tarıxi zumandə hukuməton bandəçəti kardey,insoni bəştə nəfsi əsorəti ji dəşey iyən ıştə insoni və təbiiyi sərmoyə ğarət kardeye.qıləy suətədə ki,bə Xıdo bandəçəti kardey bə insoni sıxani həyğiyə mənoədə ozodəti, oroməti,izzət iyıən kəromət  baxş kardedə.Əli(ə) ki, deştə qırd vucudi dayima Xıdo bandəçətiş bə vırə rosnə,çı  Xıdo-Rəsul(s)-i Besəti fəlsəfə barədə hamyedə:həyğətən,ali məğami soyb bıə Xıdovənd peyğombərış bə risolətış vıjniye ta çəy bandəon çı  co ğudrəton pərəstış iyən bandəçətiyonku  xaricko və bə Xıdo bandəçəti tərəf sovğ bıdo.çı şırkamizə hakimiyyəton əhd-peymononku ozod kardedə bə ilahi əhd-peymonon rioyət kardey əməlkon.çı zər-ziboku ozod kardedə və bə Xıdo itoəti ğəbul kardey hakimiyyəti varid kardedə.və çı ğudrəton dusti,yolyəti iyən viloyətiku diyəro kardedə və bə ilahi viloyəti ji vardedə.(Əlhəyat,2-ə cıld,s 29 bə Vafi nəğli əsos 3-ə c).

Im stratejik siyosət qıləy risolət iyən missiyay ki,bə qırd peyğombəron duşi sanqinəti kardedə və Kərimə-Ğıron de ojə-oşkoə holəti bəy işorə kardedə və hamyedə:”

“Və həyğətən, əmə çı har qıləy umməti miyono qıləy peyğombər vıjniyemone (ta bə məxloği bıvoti)ki, Xıdo pərəstışkənən iyən çı tağutiku(ğərəz Xıdo ha məbudiku) bə diyəro bımandənən. çən,çı məxloğiku qıləy dastə Xıdovəndi əvonış hidoyət kardə iyən çəvonku kali qılə bə zəloləti loyığe.çən,zəmini dimisə səfərkənən ta bıvindənən ki,çı həşə jıəkəson koy oxo çoko bıə?”  Nəhl-36

Hejo tarıxi dırozi insononku idastə bə peyğombəron nido iyən vanqi  mısbətə cəvobışon doə  və de ozodi baxş kardə bandəçəti ğəbul kardey bə tağut iyən şırkamizə hukuməton ələyh mıborizə kardəşone və zıllətışon ğəbul kardəşon ni.əmmo məələsəf camaati veyə dastəon de  bəştə rədəvardə mənfəəton nəzə kardey bə ilahi peyğombəron dəvəti peşt qordınəşone,ilahi iyən insoniyə erjon və kəromətonışon jiyədə lınqon noəşone,bə şəytoniyə ğudrəton tabe bıən və zıllətışon ğəbul kardə.Kərimə-Ğıron həmınə ayə dəvomədə  bə ın mevzu işorə kardedə və hamyedə:(umməton  miyono) ikəs(ki,ənbiya dəvəti ğəbulko) və Xıdovəndi hidoyətış ğəbul kardə(və əkəson bin)ki,de ilahi peyğombəron dəvəti ğəbul nıkardey (kuframizə hakimiyyətışon ğəbul kardə və hidoyəti ləyoğətışon çı dasto doə) və çəy səhvə əməlon nəticə bıə çı zəloləti royədə ğədəmışon noə.

Kərimə-Ğıron bo çın dastə telə ağıbəti nışon doeyro və şəkkinə xətton  botıl kardero və ilahi əvəz nıbə sınnət və adəti nışon doeyro hamyedə:”çən,zəminisə seyrkənən(bınəvənən) və diyəkən (iyən fikkənən) ki, çı təkzibəkəyon koy oxo çokonə bıə?(Nəhl-36).