Osmoniyə sədo-13

Osmoniyə sədo-13

Rəməzonə manqi tale həlləkə iyən vey muhimmə şəbonku qıləyni Ğədrə şəve.Ğədrə şəv bə  mısbət iyən mənfi noxtəon ğeymət doey  şəv,isornə proqrami şəv,təğdıri şəv iyən Ğıroni əsos tojə jimoni bəyji kardey şəve.çoko ki, navko həm votemone,”Xıdo zikr “ muhimmə mevzu çı insoni ıştə rəftor iyən sıxanon kontrol kardeyədə qıləy konstruktiv rol ifo kardedə.həmçinin votemone ki,Xıdo zikri həmməysə barizə nımunəonku   nımoji bərpo kardeye.yəni nımoji qıləy umumi iyən iştimayi formədə bə qıləy mədəniyyəti təbdil kardeye.islom bo ın əməli bə mədəni ərsə vardero,haruj cəmoəti nımoj,ha haftə cımə nımoj və ha sornə proqramədə həm Dınyo Həcci konqresış bo insonon nəzədə qətəşe.

Cımə nımoji əhəmiyyəti həxədə ımi votey lozıme ki,Yolə Xıdo “Cumə”nomo qıləy surəş enovnəşe.çın surə oxonə ayəonədə omə:”ha imon vardə kəson ha!cımə ruji bo nımoji (bərpo kardero) vanq jıey biyon,bıdə-bıstəni vadoənən və bə Xıdo zikri tərəf dast-poçə bıbənən.əv boşımə vey çoke.ehanə bızınon iyən aqah bıbon.(Cumə-9).

Cımə ruji nımoj Dınyo Həcci Konqresiku vey məhdudə simvole və çımon qıləy mıştərəkə hədəfışon heste.çəvon hədəfonku qıləyni mısılmınon bə ivrə cəm iyən qırd bıeye ta ıştə vəhdət iyən zumandəti  bə nımoyiş bınəmon.bo muşkilaton həlliro iyən behrononku xaric bıeyro bəpe de iyande bəhson kardey bıbu və sosyal, mədəni, siysoi, ixtisodi iyən hərbi hodisəon cərəyonədə ğərol qətedən.bo insoni ıştə nəfsi pok kardey  iyən ıştə rufi təmiz kardeyro mınosibə zəminəon hozzıkon və islomi əzəmətinə ibodiyə mərosimon bəyji kardeyro bəpe Xıdo zikrkon.

Xıdo-Rəsul(s) bo cımə nımoji əhəmiyyəti nışon doeyro hamyeşone:” xıdo cımə nımojış bəşmə vocib kardeşe.hakəs  əy çımı həyoti zəmonədə ya çımı bəfoti bəpeştə qədə hisobko ya inkorko,Xıdo bəy iztırob dıço bəkarde(orom nibəbe).bəçəy jimoni xey-bərəkət nibədoe,çəy nımoj və zəkoti ğəbul nibəkarde.çəy Həcci, çokə əməlon ğəbul nibəkay ta qıləy zəmoniki ,əv(çın bə cımə nımoji be etino kardey koyku) tobəko oqardo”.