Ayatullah Xameneyi rəhbəriyyəti jiyədə İron İslom Respublika inkişof iyən səbarzəti
Ayatullah Xameneyi rəhbəriyyəti jiyədə İron İslom Respublika inkişof iyən səbarzəti
Həşi sori 1368-ə sori Xordadə manqi 15-ə ruji(1989-iyuni-5) İRON Islom Respublika etat-petatinə tarıxədə qıləy vey muhimmə zəmon be.bın ruji İron İslom Respublika rəhbərəti pərçəm bə həzrət Ayətulla Xameneyi aspardey be.ın muhimmə hodisə əv həm İron İslom Respublika təsisəkə İmom Xomeyni(r)-I matəminə rehləti iruj bədiqə,kardeyış zıne de tobə qıləy həddi İroni milləti ğəmiku bəkam kardeşe və bo kişvəri vəomə qıləy umuş icod karde.Yolə Rəhbəri 29 sornə ağılmandə rəhbərəti nışonış doe ki,İroni milləti bə inğılobi rəhbəri iyən vəomə bıə umu dırıst və ağılmandə formədə be.İron İslom Respublika Əsosə Ğanuni pencminə bəndədə rəhbəri şərayiti təğvanin,ədolətin,tədbirin,şucoətin iyən zəmonə məsələonku aqah bıey ğeyd kardedə və ayətulla Xameneyi de tobə ısət nışonış doə ki,komilə surətədə çı qırd ın xısləton soybe.ə həzrət bə daxili iyən xarici siyosəti məsləon bıə zumandə təsəllut bə həmməkəsi hətto bə co kişvəron rəsmi şəxson həm məlume.çoko ki,İMT sabiğ rəyis Koffi Annan de Yolə Rəhbəri vindemoni bəpeştə,votəşbe:”de cənab Xameneyi mıloğati zəmonədə çəy mığəddəsəti ali səviyyədə əvış qıləy siyosi şəxsiyyətım vinde ki,qırd dıjdə siyosi şəxsiyyəton çımı zehniku pok be”. Və həmçinin İMT co navkonə rəyis Xavyer Peres de Kulyar həm elonış kardəbe ki,bənə Xameneyi qıləy siyosətmədor iyən ağılmandə şəxsış vindəni.
Bə İron İslom Respublika Konstitusiya 110-ə maddə əsos,Rəhbəriyyəti vəzifəonku qıləyni Nizomi kulliyə siyosəton təbyin kardeye.Ayətullah Xamaneyi xarici siyosəti zəminədə bo İron İslom Respublika dəğiğ iyən səbarzə kulliyə xəttonış tərsim kardə kəşəşe və bə seqlə prinsipi yəni bə ğoymə izzət,hikmət iyən məsləhəti əsose.ə həzrət ın usulon təbyinədə hamyedə:”izzət və səbarzəti ıme ki,İslomi camiyə iyən nizom ıştə beynəlxalğə rəftoron hiç qıləyniyədə bəpe jıqo hərəkət nıko ki,oxoyədə de islom iyən mısılmınon zəliləti iyən zılləti orəxo….hikmət yəni həkimonə iyən pamu bıə surətədə ko kardey……və əmmo məsləhət yəni inğılobiyə məslhət”. bə ın usulon əməl kardey ki,de ə həzrəti rahnuma iyən nəzə ji bə ico bıə, regiyon iyən dınyo səviyyədə İroni ixtidor iyən zumandətiyədə dəvəşə nəticəonış bıə.ımruj hətto İron İslom Respublika deşmınon etırofışon kardə ki,İron ısət məntəğədə həmməysə zumandə ğudrəte və dınyo səviyyədə qıləy təsirənə aktyore.çoko ki,de qırd siysoi təzyiğon,hərbi təhdidon iyən ixtisodi sanksiyon bə ico,İroni ijən kardeyış zınə regionədə bə xarici təzavuzkoron iyən işğaləkəyon ələyh islomi mığoviməti mehvər və əsosə roli ifoko.ın mehvər və dayirə çı Fələstın iyən Livaniku qətə de tobə Suriyə,İrağ,Yəmən iyən Bəhreyni dəvomış heste və ımon həmmə de Amerkə iyən Seonist Rejimi iyən çəvon məntəğədə ,dasti jiyədə bıə hukuməton mıdoxiləon mıxolifin.İnğılobi Yolə Rəhbər bın barədə hamyedə:”xoşbəxtonə islomi umməti ğıvvə vey ziyodə ğıvvəy.çəy oşkoə dəlil həm ıme ki,çandə dırozə sorone əvon deştə qırd ğıvvon səy kardedən oğoəti iyən mığoviməti ğıvvon etosnon,hamuşkon və kardeyışon zınəni.de ın oğoəti mehvər bıə İslom Respublikə çandə soron mıborizə bardeşone.Əlhəmdu lillah məğlub bin və çımi bəpeştə həm məlub bəbeyn,dəbəboxten….
