Osmoniyə sədo-14

Osmoniyə sədo-14

DƏVARDƏ bərnoməonədə “Ğovle-sədid” yəni dırıst və mətinə sıxani həxədə bəhs kardemone və votemone ki, inson boştə nəfsi pok kardey iyən ıştə rəftori islohiro bəpe rasional iyən səhihə kəlməon bəştə zıvon cariko.

Bə mətinə sıxani cazibə baxş kardə rəftoronku qıləyni,çokə sıxan kardeye.bə həmonə dəlili xoto,Kərimə-Ğıron ıştə ro nışon doə ayəon qıləyniyədə hamyedə:”....və ğulu linnasi husna.de məxloği çok sıxan bıvotən”.(Bəğərə-83).

ISƏT ÇOKƏ SIXAN çiçe  və çı xısusiyyətonış heste,çəy barədə rəvoyətonədə mıxtəlifə nuktəon omə ki,çəvonku kali qıləyni iborəte:bəpe sıxan bə odəmi oqıniye boyis nıbu iyən  dıroz nıbu. çoko əmə dılımon heste və məxloğiku çəş kardedəmon ki,deəmə jəqo qəp bıjənon,əmə həm bəpe de camaati həmonə şivədə sıxan bıkəmon.çun,millətiku sıxan bə miyon omə,bəpe bəçəvon şəxsiyyəti ehtırom noə holədə qəp bıjənəmon.sıxan bəpe iştimayi rabitəon zumandko iyən vəhdət icodko.sıxan bəpe bə dılonədə kin-kudurəti pok bıey boyis bıbu. çokə sıxan dılon bə iyande nez kardedə və fərdon iyandeyku de xoşə xotırəon co bedən və yənde ijən sənibəton vindey oruzuədə bedən.

İmom Səccad(ə) ki,çı əxloği məzhəre,çı çokə sıxani noliyyəton həxədə jıqo sıxan votedə:”çokə sıxan insoni ruji ziyod bəkarde,marqi bə təxir ebəğande,insoni çəy xıyzoni palu mahbub bəkarde iyən insoni bə vəhışt varid bəkarde”.binobərin ğəşənqə sıxani həm dınyoədə çokə foydəonış heste və həmən axırətədə ki,oxoyədə insoni bə vəhışt bəbarde”. Kərimə-Ğıron ıştə ayəon co qıləyniyədə hamyedə:”(Ha pəyğombər ha!) bəçımı bandəon vuji:ə sıxan ki, vey çoke bıvoton”.(İsra-53).

 Xıdo bəştə Rəsuli(s)-i de milləti çok sıxan votey barədə bıə fərmon,ımi nışon doydə ki,çokə sıxan bə zıvon vardey qıləy fovğəladə iyən muhimmə  əhəmiyyətış heste və hakəs ki,ıştəni Xıdo bandə bızıno,bəpe bə ilahi ım fərmon iyən əmri pemando və bəy rioyətko.