Osmoniyə sədo-15
Osmoniyə sədo-15
Dəvardə bərnomədə çok və ğəşənqə sıxan votey barədə sehbət kardemone və votemone ki, Xıdo məxsus iyən ağılmandə bandəon xısusiyyətonku qıləyni çokə sıxan voteye.əmmo ısət çın sıvoliku bəhs kardedəmon ki,aya bəpe bə har qıləy sıxani quş doey lozıme yaan ki,bın zəminədə məsuliyyət hiss kardey və de dığğəti hərəkət kardey lozıme?.
İmom Cəvod(ə) qıləy rəvoyətədə hamyedə:”ikəs ki,bə qıləy sıxan votə kəsi quş bıdo əvış ibodət kardə.ehanə sıxan votəkəs Xıdoku qəp bıjəno,əv bo Xıdo bandəçətiş kardə və əgər natığ şəytoni zıvoniku sıxan kardedəbu,bə şəytoni bandəçətiş kardə”. (Tuhəful-Uğul s 456).
In hədis tohidiyə mədəniyyətədə ın kilidiyə nuktə bəyon kardedə ki,bə Xıdo bovə kardə iyən imoninə inson bəpe qırd zəminəonədə məsuliyyət hissko.bəpe inson bə har qıləy sıxani quş nıdo və har qıləy məclisədə nınışto.zira qıləy sıxan bə quş doə insoni təfəkkur,şəxsiyyəti iyən rufi təsir noydə.bə həmonə dəlili xoto,İmom(ə) sıxan kardə iyən quş kardə kəsonış bə dıqlə hissə təğsımış kardə ki,bə har dıqlə dastə sıxani quş doey,çəvon bəvon bandəçəti kardey mənoədəy və ım çı sıxani bə insoni çokonə nığılə təsir noey nışon doydə.joqo ki,həmonə sıxan insoni bə Xıdo iyən şəytoni tərəf sovğ doey bəzıne.
İmom Cavad(ə)-i çın ruşinəkə kəlomiku bıə mesaj,ısətnə zəmonədə ki,çı mediya təsiri jiyədəy,ın mesaji bə dast vardey bedə ki,çı nufuzinə informasiyə vositon mığobilədə bəbe həssos bıbu huşin bıey lozıme və bəpe inson ıştə şəxsiyyəti iyən ıştə xıyzoni bəçəvon dasti məsbardəmon ta çəmə fiki iyən əməli çərçivəon çoko çəvon dıli piyedəşe,jəqo həm bısoxton.aya əmə bəpe ıştə harə xorəkon həxədə həsson məbəmon və nızınəmon çiç hardedəmon? Jıqo ki,xorək bə insoni ruf iyən coni təsir noydə və insoni şəxsiyyəti əvəz kardedə,əve bəpe bə ın məsələ ciddi həssos bıbəmon.
Kərimə-Ğıron vəhışti iyən çəy cozibəon vəsf kardey və çokə ko kardə iyən imon vardə kəson daxil bıey bəpeştə,hamyedə:”(Əvon bə)pokə sıxani tərəf hidoyət bıən və bə xoş omə(tərifi loyığ) roy tərəf hidoyət bıən”.(Həcc-24).....
