Osmoniyə sədo-16

Osmoniyə sədo-16

Dəvardə bərnoməonədə ğeyd kardemone ki,Yolə Xıdo qırd insononku məxsusən muminonku tələb kardəşe ki,çəvon sıxan iyən əməli miyono qıləy ziddiyət nıbu və .zira dıcurnəti inev mınofiğətiye ki,Xıdovəndi de şiddəti əvış mızəmmət iyən tənğıdış kardə.insoni sıxan iyən əmələdə inhirofə rəftoron vəy qəteyro təyinəkə rolış bıə muhimmə amilonku qıləyni,Xıdo zikr kardeye. qıləy Xıdo ki,bəçəmə əməlon nəzorət kardedə və çəmə daxili niyyətonku xəbədoe.Kərimə-Ğıron bın barədə hamyedə:” Ha imon vardə kəson ha! Xıdo ziyod zikrkənən Və əy har sıb iyən şəvi təsbihkənən(de pokəti sıtoyişkənən)”.Əhzab-41-42.

İnsonon ıştə qırd jimonədə bə qıləy xatırcəmə əmnə vırə ehtiyocişon heste ta ıştədə qıləy zu və ğudrət hisskon və de ziyodə şoyvonəti ruhiyyə ıştə jimonədə ğədəm şodon.əv boştə maddi iyən mənəvi hədəfon real kardero,hejo cəhd kardedə və hiç qıləy tars iyən vohimə nıbə holədə de işkil iyən muşkilaton dimbədim omeydə.insonon bəpe məğlubiyyətiku qıləy səbarzəti pardi bısoxton  və hiçvaxti bə noumu dıço nıbon.Kərimə-Ğıron bo insoni bə puçə pənohqohi tərəf nıbardero bə çəy fitriyə ehtiyocon rasional cəvob doydə və hamyedə:

“Ğərəz Xıdo cokəson boştə movla(əğə) vıjniyə kəson, çəvon misol bənə korətəni misoloye ki, (boştə kə soxtən). və beşək vey sıstə(lırə) kə, korətəni soxtə kəy, ehanə zınəyşonbe”.Ənkəbut-41.

Binobərin çəmə fitri iyən əqli tohidiyə sədo bəmə voteydə ki,bə Xıdo tərəf dəvitəmon və hejo çəmə yodo bıbu ki,çəy ğudrət bəsə qırd ğudrətonsə barze iyən əv təmom bıənin ni.fəğət əv kardey bəzıne vey yavə şərayitədə bəmə oroməti baxşko və çəmə umu ziyodko.çən,qırd ləzəonədə məxsusən sıbi vaxtonədə ki,bə jimon səhnə lınq noydəmon və ya şanqovə nezi ki, bəştə jimoni ağuş oqardedəmon,hejo Xıdo zikrkəmon və əy bəştə vir dəğandəmon.qıləy Xıdo ki, ıştənış de qırd cəmol iyən cəlolə sıfəton dərsotəşe və çı qırd noxsan iyən aybonku bə diyəroe.