Osmonyə sədo-17

Osmonyə sədo-17

Dəvardə bərnoməonədə Xıdo zikr iyən əy bəyod dənoey barədə təhlil kardemone.Zikri barzə nımunəonku qıləyni,nımoje ki,qırd dəvardə dinonədə mevcud bıə və ilahi pəyğombəron həm bəy təkid kardəşone.həmçinin islomi peyğombər(s) iyən ilahi rəhbəron yəni imomon həm bə ın fərizə ziyodə təkid kardəşone.Kəriə-Ğıronədə nımoji bərpo kardey barədə çandə qılə ayəon mevcude ki,min cumlə Xıdovənde-Aləm hamyedə:”həyğətən,mı qıləy Xıdom ki,sıvoy mı hiç qıləy mə`bud ni .çən,çımı bandə bıbi iyən mıni yod kardero nımoji bərpokə”.

In ayə çand cəhəto dığğət kardənine.qıləyni ıme ki,Xıdovənd ıştən ıştəni de dınyo vahidə məbudi nomi təğdım kardedə və çı qırd şırkamiz iyən inhirofə nəzə və meylon iyən pesoxtə bıə iyən duyə məbudon sape çəy botıləti xətti kəşedə....

Çın ayə coqlə muhimmə nuktə ıme ki,”fəğət çımı bandə bıbən iyən mıni pərəstışkənən” cumlə bıton pərəstış kardə iyən pesoxtə bıə cərəyon və fırğəon mığobilədə qıləy şəffof iyən ğətiyə mevğıyyəte.çın ayəku dərəsə bıə oxonə nuktə ıme ki,Xıdo nımoji bərpo kardey əmri doydə, nəinki, nımoji handey ya votey.ım qıləy mevzuye ki,nımojiku bəhs kardə ayəonədə bəçəş çiyedə..

Kali nəzə soybon çın nuktə sape vahidə nəzəşon heste ki,nımoji iğomə ya bərpo kardey.camiyə mətn iyən bətnədə qıləy fərhənqi icod kardeye.yəni ikəs ki,nımoj handedə ıştə fərdi məsuliyyətonsə əlovə,bəpe ıştə zəmonə cəmyəti  vədə məsuliyyət hiss bıkardo və  cəhdko ki, nımoj bə umumi mədəniyyəti təbdil bıbu.ğasbu ın bə həmonə dəlili xotoye ki, bə çı umumi fərhənqi simvol bıə camaat nımoji de şiddəti təkid bıə.hətto nəğli rəvoyətonədə omə ki,ikəs ki, hamsuyədə məçitış mevcud bıbu və əv səbəb və uzrış nıbə holədə bə həmonə məçit nışo,çəy kədə handə və votə nımoj ğəbul bıənin ni.iyo çəyku bəhs kardey lozım bıə vey muhimmə nuktə həm ıme ki,nımoj çı fərdi bıbu ya cəmi şikilədə,bəbe nımojəvot hejo Xıdo zikr kardey niyyətış bıbu və həmonə nımoj nəinki, əy çı qınoku oqəto,bəlkəm əv bəpe qıno fiki həm ıştə səyku beko və bə diyəroko.Kərimə-Ğıron çı nımoji təsirəkə roli həxədə jıqo hamyedə:”nımoji bərpokənən, həyğətən,nımoj (insoni) qıno iyən yavə əməlonku oqəteydə  və hukmən Xıdo zikr(har qıləy ibodətiku) vey yol və barze və Xıdo zıneydə ki,(şımə)çiç əncom doydon”.(Ənkəbut-45).