Osmonyə sədo-18

Osmonyə sədo-18

Dini İslomi stratejik iyən dıjdə siyosətonku qıləyni bə ixtisodi ədoləti əsos qıləy nizomi bərpo kardeye .əmmo bə jıqo qıləy ideal iyən hədəfinə cəmyəti rəsero,İslom de mıxtəlifə roon vositə bo təbəğon miyono bıə teyliyə vırə pur kardero çandə qılə roonış nışon doə.min cumlə Kərimə-Ğıron havaxti nımojiku sıxan voteydə bilofosilə zəkot iyən infoği məsələ həm bə miyon vardedə ki,ım həm ımi bəyon kardedədə ki,de Xalıği rabitə bərpo kardey koyədə  bəpe de məxloği rabitə həm mevcud bıbu.yəni qıləy nımojəvoti Xıdo zikr və yod kardey vəs kardedəni və həyğiyə nımoj votəkəs bəpe çı məhrum,səfil,beçiz  iyən miskinon ehtiyocon bərtərəf kardey koyədə həm xolisonə formədə ğədəmon şodo və çı əzob-əziyyəti dılədə bıə kəson vədə məsuliyyət hissko.

Kərimə-Ğıron bın barədə jıqo hamyedə:”Əmerdon ki, hiç qıləy ticorət iyən muamilə əvoni çı Xıdovəndi nomi zikr kardey, nımoji bərpo kardey iyən zəkoti pərdaxt kardeyku ğofil nibəkay. əvon çı dılon iyən çəşon çın holiku bə holi dəşə rujiku tarseydən.”Nur-37.

Ayədə dığğət kardəninə nuktə ıme ki,bə Xıdo etığod ki,nımojədə cilvə pəydu kardedə və bə Miadi bovə kardey Xıdo royədə zəkot iyən infoğ kardey koyədə əsosə rol ifo kardedə.çun ehanə bə miad iyən məbdə etığod nıbu,həni insoni koyədə hiç qıləy ruhiyyə nibəmande ta əv çı mol-devlət iyən sərvəti cozibəonku dəvardo və çı vəşyan iyən beçizon dardon vədə qıləy məsuliyyət hiss nıko və  əv Xıdo bəy ruzi doə nemətonku bə Xıdo co bandəon infoğ nıko.ğasbu həm bə ım dəlili xotoye ki,Ğıron bə muminon iyən bə miadi bovə kardə kəson xitob kardə holədə hamyedə: ”Ha imon vardəkəson! bəşmə doəbıə ruziyon kuinfağ(baxş) bıkən,tainki,əruj bırəsi ki, nəbəvədə bıdə-bıstən heste və nə bəvədə dustəti heste və nəşəfoət.(və bızınən ki,)kofiron həmonə sitəm koronin. (həm bəştə iyən bə cokəson sıtəm kardedən) Bəğərə-254.

Bəle dınyoədə insonon boştə əməlonku fərol kardey xoto,ıştə ixtisodi imkonatonku ya ıştə duston himoyəku ya çı qıləy nufuzi soyb bıə şəxsiku istifodə kardedən.əmmo ğıyoməti ruji həni hiçkəs çın zərfiyyətonku oko doey əzıni və çəvon dast həmonə ruji təy bəmande.beşək bə ğıyoməti ruji jəqo həm etığodış nıbə fərdon deştə Xıdo bəy əto kardə molon infoğ nıkardey iyən məxloği miyono təbəğə bə vucud vardey,həm bəştə zılm kardedən və həmən boştə axırəti hiç qıləy tuşə və azuğə hozzı kardedənin.həmçinin əv bə vəşyanon iyən ehtiyocinə şəxson həm sıtəm kardedə və boyis bedə ki,əvon de fəlokət iyən fəğrəti jimonkon və həmən bə ilahi zoti nunkurətikon.ımi həm zikr kardey lozıme ki,bo insonon miyono təbəğəon icod kardey koyədə ərbob iyən sərvətinə fərdon dıjdə məsuliyyətonışon heste.yəni ehanə əvon deştə xums,zəkot iyən infoğon pərdaxt kardey bə islom iyən mısılmınon ziyodə koməq kardey bəzıneyn və axırətədə həm boştə qıləy dıjdə mıkofat ğəbul kardey bəzneyn.