Osmoniyə sədo-19

Osmoniyə sədo-19

Dəvardə bərnomədə bə istehzo iyən məsxərə məsələ işorə kardemone və votemone ki,ın məsələ Kərimə-Ğıronədə nəhy bıə.joqo ki,Hucurati mıborəkə surə 11-ə ayədə hamyedə:”Ha imon vardə kəson ha! iyande tənə məkən və aybi dumo məbən bvə de yavə və bə xoş nıomə ləğəbon iyənde vanq məjənən və vey bevəce ki,hakəs imon vardey bəpeştə bə qıno aludə bıey bəyon kardə nomi bınon və əkəson ki,(çın yavə koy bədiqə)tobə nıko,çən,əvon zolım iyən sıtəmkorin.”.

İslom bə imoninə şəxson qıləy məxsusə ehtırom noydə və hiç qıləy şərayitədə icozə doydəni ki, bəçəy kəromət iyən şəxsiyyəti qıləy zərəl variod bıbu.joqo ki,rəvoyətədə omə:”Mumini hurmət bəsə Kəbə kəsə vey dıjd və bəpeye”.ayə iyən rəvoyətonədə bə Kəbə kə ziyodə işorə bıəvə dınyo mısılmınon haruj ıştə ibodiyə mərosimonədə vocibe ki.bəpe bə kəbə tərəf dim bıqəton.hakəs əyo varid bıbu əmonədə bəbe və hiçkəsi həxış ni bə co ikəsi coni əyo sui-ğəsdko.ha sor çandə milyon mısılmon bəpe bə Kəbə kə bo dınyo mısılmınon konqresi bərpo kardero yən

 Həcci mığəddəsə mərosimi bərpo kardero bə həmonə mığəddəsə vırə bışo və əv əyo bəpe bə hiççi və hiçki hətto qıləy qədə zərəl həm nırosno.əv bəpe əyo cidol iyən polemikaku bə diyəro bımando və mılxəs çandə da qılə əməl həm bəbe əyo bə vırə bırosno.ımon qırd çı Kəbə hurmət bəyon kardedə.əmmo de qırd ım vəsfon çı qıləy mumini kəromət iyən hurməti oqətey bəsə Kəbə hurmətisə həm bəpye və vey muhimme..

Mumini hurmət iyən kəroməti oqətə muhimmə hərəkətonku qıləyni,çəy aybon sape puşneye. məxsusən ehanə inson mumkine dəvardə soronədə mıəyyən səhfonış kardə  və qıləy vırədə fırsiyə.əmmo çun peşo tobə kardə,əve hiçkəsi həxış ni çəy aybon sape pardə peqəto və çəy hurmət iyən kəroməti darışto.islomi bənav yəhudi dinədə bıə və Xeybəri canqi bəpeştə mısılmon bıə Səfiyyə çı peyğombəri(s) jimoni həmroətiş ğəbul karde və bə iruj həzrəti xıdmət rəse.qıləy holədə ki,çəy çəşədə ars rubedəbe,peyğombər(s) çəyku dəparseşe ki,boçi jıqo norohəte. cəvobış doe ki,Ayişə mıni mızəmmət kardedə və voteydə:”ha çı yəhudiku bə əməl omə kəs!” Xıdo-Rəsul(s) tı çıro nıvote ki,çımı pı Harune və çımı amu Mosəy və mı çı Muhəmmədi jimoni həmrom.(Məcməul-Bəyan-c 9-s126)

Peyğombər(s) jıqo mısbət iyən təsirinə rəftor ın əsosə nuktə bəyon kardedə ki,hejo bəpe de cokəson rəftorədə bə əxloği xısləton əməlkəmon və əkəson ki,ıştə navkonə bevəcə əməlonku oqardən və navkonə koonku peşmonin,bəpe deəvon mısbətə rəftorkəmon və bəpe çəvon zəyifə noxtəonsə məmandəmon iyən bəy işorə məkəmon.