Fıtrə İdi bərnomə
Fıtrə İdi bərnomə
Rəməzonə mıborəkə manq Xıdovəndi insonon bə təğva maidə iyən sufrə tərəf ziyofəti dəvəti manqe və çın mehmonəti oxo həm Fıtrə ide.Fıtrə id çı i manq bandəçəti rəmze və Xıdovəndi ıştə bandəku rozi mandə ruje.Xıdovəndi ıştə bandəku rozi mande,ilahi nemətonku həmməysə barzə qıləyniye.mısılmınon Xıdovəndi mehmonəti,ubudiyyət iyən bandəçəti manq bıə Rujə manqi oxoyədə bın əzizə manqədə bo Xıdo bandəçəti kardey iyən deçəy itoəti məşğul bıey xoto bəçəy benəhoyətə lufi şık kardedən.Fıtrə idi ruji Xıdo mehmonəti manqədə rujə qətə kəson boştə idə baxşə sıey xoto hozzı bıən və Ğədrə şəvonışon dərk kardə və de Kərimə-Ğıroni tilovət iyən de razo-niyozi məşğul bıən və ıştə dastonışon bə osmoni tərəf rost kardə və Xıdovəndiku məğfirət tələb kardedən.çın manqi fəzilətiku hejo ımi votey bəbe ki,Xıdovənd hamyedə:” Mı Rujə manqədə rujə qətəkə mehmonon iyən nımoj votəkəson mıkofati ıştə roziyəti iyən məğfirət ğərolım doə”.
Fıtrə:çı həyğət sərçeşməku qıleydə və və bə insoni pokə fıtrəti oqardemone.insoni fıtrət bənə qıləy zulol iyən pokə çeşmə ovi fəvvorə jeydə və haləzə həmonə ov tojə bedə.id həm çı “Uud” kəlməkuye və ijən sənibəton oqardemoni mənoədəy.yəni ləzə bə ləzə nu iyən tojə bıey.liza əkəson ki,hejo bəştə fıtrəti əsos əməl kardedən,ləzə-ləzə bə ləzə iyən an bə an.çıro ki,əvon har qıləy ləzədə de qıləy həxıku bıə tojə təcəlliyon dim bə dim omeydən.əmmo əkəson ki,ıştə bə qıno irtikob bıə soron dırozi,bəştə fıtrəti əks bıə zohiri iyən botıni zohiriyə mırdıloətiyon dıço bıə və ıştə həyğətiku bə diyəro mandə.Xıdovənde-Aləm de bənə mıborəkə Rəməzonə manqi vey muhim iyən mənəviyə fırsəti əto kardey çəvon hərəbaxtəti zəminə hozzı kardedə.bın manqədə rujə qətə kəson bandəon de Xıdovəndi dayima rabitə iyən irtibatışon bastə və çəvon ruf iyən con bəştə fıtrəti sıftənə zəmoni nez bıə.əvon rujə manqədə de rujə botıl kardə çiyonmku imsak kardey iyən ıştəni oqətey ıştə ğəlb və dıli nurani və ruşin kardedən.ım ruşnə bəçəvon çı qıno mığobilədə irodə ğəvi iyən zumand bıey boyis bəbe.ısət de Xıdo itoəti vositə bə dast omə hosil bıə nur iyən ğudrət çəvon fıtrəti çı cəhəndımi otəşi mığobilədə qıləy zumandə sipər kardedə.de ın tərtibi Rəməzonə manqi oxoyədə rujə qətə kəson bəştə həyğiyə fıtrəti oqardedən və əve əvon həmonə ruji de Fıtrə idi ruji şoyvonəti kardedən və ın ruji id qəteydən.
Ha ruj ki,insonə bəvədə qıno nıko iyən sıbi vaxtiku de tobə şəvi nimə bəştə pərvərdıqori məsiyyət iyən qıno nıko,həmonə ruj id bə hisob omeydə və de ın bəyoni əmə sori qırd rujonədə ın idə rujon bərpo kardey bəzınemon.bəçəy xoto Fıtrə ruji idi hikməti babədə bə İmom Əli(ə) nuroniyə bəyoni işorə kardedəmon ki,hamyedə:”ımruj bo həmonə ruji ğəbul bıə və bəçəvon səyon mıkofat doə iyən qınoonışon əf bıə kəson kəson idi ruje”. Çən,peşo hamyedə:”ımruj boəmə ide və har qıləy ruj ki,bəvədə Xıdo məsiyyət iyən qıno nıkəmon həmonə ruj bomə idə ruje”. Iyo ruşin iyən oşko bedə ki,rujə nıqəətə kəson və ya rujədə bə qıno mırtəkib bıə iyən itoət nıkardə kəson şoyvonəti iyən id kardey nibəzıneyn. Şoyvonəti bə kəson məxsuse ki,ıştə con iyən ğəlbışon pok iyən nurani kardəşone,çokə ko iyən Xıdo ibodətışon bə vırə rosnə və əkəson ki, çəvon itoət iyən ibodəton Xıdo dərqoyədə ğəbul bıə.
