Osmoniyə surəon-99
Osmoniyə surəon-99
In haftə əmə de Kərimə-Ğıroni vistı şəşminə Şuəra mıborəkə surə oşno bedəmon.bə mıfəssıron nəzə əsos, Şuəra mıborəkə surə qırd 277 qılə ayə -ğərəz oxonə çoqlə ayə-Məkkədə nozil bıə.Şuəra mıborəkə surə ayəon mığdori nəzəku,Bəğərə mıborəkə surə bəpeştə dıminə dıjdə surəy.
İslomi-Peyğombər(s) bə milləti nisbətədə vey dıləsut be.əve ə həzrət boçəvon hərbaxtəti iyən səodətiro ziyodə cəhd kardedəbe və əvoni bə tohid iyən yektapərəstəti tərəf dəvət kardedəbe.əmmo peyğombər(s) mışohidəş kardedəbe ki,i hissə təşnə insonon çı İslom iyən Kərimə-Ğıroni zulolə sərçeşmə kənoku dəvardedən və imon vardedənin-vey norohət bedəbe.bın zəmon Şuəra mıborəkə surə seminə ayənozil be və bə həzrəti dılvandiş doe.
4-ə ayə bə ın həyğəti işorə kardedə ki,Xıdovənde-Aləm ehanə bıpyoşe osmoniku boəvon qıləy mecuzə bəvğande ta qırd əvon be extiyor çəy mığobilədə sə təzimkon və təslim bıbon.əmmo ım məcburi surətədə bıə imoni hiç qıləy erj iyən etıborış ni.muhim ıme ki,insonon deştə irodə iyən ixtiyori imon biyon və həxı vədə muti bıbon........
Hestemoni aləmi iyən çəy reçinətiyon hxədə mıtoliyə kardey,bo Xıdoşınosiro həmməysə vey çokə ro və metode. Xıdo ğudrəti nışonəonku qıləyni çı beməyon zovciyyət iyən qit qıniye məsələy.Şuəra Mıborəkə surə 7-ə ayədə çı rəsəyon qit qıniye həxədə hamyedə:
Aya bə zəmini diyə kardedənin ki, bəvədə çanəndə har nov(çokə beməyon) perosnəmone?..
Dəvardə soronədə bəşər zıneydəbe ki,kali bejəyon dıqlə moə iyən niyə cinsişon heste.əvon bo beməyon məhsuldor iyən bəhrin kardero əvoni bəyənde peyvənd kardey metodiku oko doydəbin.ın məsələdə bəzi doon min cumlə xımoə doonsə təcrubə bardey bə həmməkəsi məlum be.əmmo 18-ə miladi əsrədə bəşəri bə ın həyğəti dastış pəydu karde ki,qit qıniye məsələ rəsəyon dınyoədə təğribən qıləy kulliyə əsl və usule və bo beməyon bəhr doeyro əvoni bənə heyvonon niyə de moə umuj kardey lozıme. Qıləy holədə ki,çandə ğərn iyən əsr çın kəşfiku bənav,Kərimə-Ğıroni mıxtəlifə ayəonədə bə rəaəsyon zovciyyət iyən qit qıniye məsələ işorə kardey bıə......
Şuəra mıborəkə surə etat-petatonku qıləyni bın surədə bə haft qılə yolə peyğombəri iyən bəçəvon bo bəşəri hidoyətiro bıə çəvon bəşəv-bəruj bıə zəhməton,həmçinin bəçəvon de inodkorə mışrikon bıə rəftoron işorə bıə.peyğombəron dastonon həmmə de ibrəti pure.ın bəçəy xotoye ki,çı pəyğombəron həm hədəf və həmən siyrə və rəftor bəiyənde mandə və həmçinin çəvon deştə mıxolifon rəftoron həm iformədəy.çən,de tarıxi oşno bıey həm bomə vey foydənine və ro nışon doydə.Kərimə-Ğıron de ım ilahi yolə merdon tarıxi zikr kardey,bə pəyğombər(s) iyən muminon təsəlli doydə ta əvon ıştədə bə zəyfəti iyən sıstəti ro nıdon və bızınon ki,tarıxədə jıqo macəron ziyod bə əməl omə.bə pəyğombəron sərquzəşton ayid bıə ayəon bə zəmon nozil bıə ki,mısılmınon mığdor kam be və çəvon deşmınon zumand bin.Xıdovənde-Aləm navkonə pəyğombəron sərquzəşton bəyon kardedə ta mısılmınon bızınon ki,çı deşmıni zumandə ğudrət iyən çəvon zohiri zəyfəti hiçvaxti bəçəvon məğlubiyyəti boyis nibəbe.əve əvon deştə qırd zu və ğıvvə mığovimət nışon bıdon.
